ന്യൂ​ഡ​ൽ​ഹി: പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇന്ത്യയെ മു​ടി​ക്കു​ക​യാ​ണെന്ന് അഭിപ്രായപ്പെട്ട് കോ​ണ്‍​ഗ്ര​സ് നേ​താ​വ് രാ​ഹു​ൽ ഗാ​ന്ധി. പ്രധാനമന്ത്രിയുമായി ബന്ധപ്പെട്ട് മു​ത​ലാ​ളി​ത്ത മാദ്ധ്യ​മ​ങ്ങ​ൾ മി​ഥ്യാ​ധാ​ര​ണ സൃ​ഷ്ടി​ച്ചി​രി​ക്കു​ക​യാ​ണെ​ന്നും അദ്ദേഹം പറഞ്ഞു. എന്നാൽ ഇത്തരം ധാരണകൾ ഉ​ട​ൻ ത​ക​രു​മെ​ന്നും രാ​ഹു​ൽ ഗാ​ന്ധി പറയുന്നു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.

മോ​ദി രാ​ജ്യ​ത്തെ ന​ശി​പ്പി​ക്കു​ക​യാണ് ചെയ്യുന്നതെന്ന് പ​റ​ഞ്ഞ രാ​ഹു​ൽ നോ​ട്ട് നി​രോ​ധ​നം, ജി​.എ​സ്.ടി, കൊ​റോ​ണ പ്രതിരോധ സംവിധാനങ്ങളിൽ ഉണ്ടായ പാളിച്ചകൾ, തൊ​ഴി​ൽ ന​ഷ്ട​ങ്ങ​ൾ, രാജ്യത്തെ സമ്പത് വ്യ​വ​സ്ഥ​യു​ടെ നാ​ശം എ​ന്നീ കാര്യങ്ങൾ അടിസ്ഥാനമാക്കിയും പ്രധാനമന്ത്രിയെ വിമർശിച്ചു.

രാജ്യത്ത് ഒ​രു കോ​ടി തൊ​ഴി​ല​വ​സ​ര​ങ്ങ​ൾ ന​ഷ്ട​പ്പെ​ട്ടെ​ന്നും പ​ത്തു കോ​ടി തൊ​ഴി​ല​വ​സ​ര​ങ്ങ​ൾ ഭീ​ഷ​ണി​യി​ലാ​ണെ​ന്നു​മു​ള്ള വാർത്തകളും രാഹുൽ പങ്കുവച്ചു.മുൻപ് റ​ഫാ​ൽ ഇ​ട​പാ​ടിൽ അഴിമതി നടന്നുവെന്ന ആരോപണവുമായും കേ​ന്ദ്ര​സർക്കാരിനെതിരെ രാ​ഹു​ൽ ഗാന്ധി രംഗത്ത് വന്നിരുന്നു. ഓ​രോ വി​മാ​ന​ത്തി​നും 526 കോ​ടി രൂ​പ​ക്കു പ​ക​രം 1,670 കോ​ടി ചെ​ല​വാ​യ​ത് എ​ന്തു​കൊ​ണ്ടാ​ണെ​ന്നാ​യി​രു​ന്നു അ​ദ്ദേ​ഹം റാഫേൽ ഇടപാടുമായി ബന്ധപ്പെട്ട് ചോദ്യമുന്നയിച്ചത്.