മുംബെയ്: മറാത്തി നടൻ അശുതോഷ് ഭക്രെയെ (32) കിടപ്പു മുറിയിൽ തൂങ്ങി മരിച്ചനിലയിൽ കണ്ടെത്തി. മറാത്തി ടെലിവിഷൻ - സീരിയൽ താരം മയൂരി ദേശ്‌മുഖിന്റെ ഭർത്താവാണ് അശുതോഷ്.

വ്യാഴാഴ്ച രാവിലെ മാതാപിതാക്കളാണ് അശുതോഷിനെ മരിച്ച നിലയിൽ കണ്ടെത്തിയത്. കുറച്ച് കാലങ്ങളായി അശുതോഷ് വിഷാദത്തിലായിരുന്നുവെന്ന് കുടുംബാം​ഗങ്ങൾ പറഞ്ഞു. കൊവിഡ് വ്യാപനത്തെ തുടർന്ന് ഷൂട്ടിംഗ് നിറുത്തി വച്ചതോടെ സാമ്പത്തികമായ പ്രശ്നങ്ങളും ഉണ്ടായിരുന്നു. പൊലീസ് അന്വേഷണം ആരംഭിച്ചു.