മലപ്പുറം: ജില്ലയിൽ 35 പേർക്ക് കൂടി ഇന്നലെ കൊവിഡ് സ്ഥിരീകരിച്ചു. മൂന്നുപേർക്കാണ് ഇന്നലെ സമ്പർക്കത്തിലൂടെ രോഗബാധ സ്ഥിരീകരിച്ചത്. 11 പേർ ഇതര സംസ്ഥാനങ്ങളിൽ നിന്നും 21 പേർ വിവിധ വിദേശരാജ്യങ്ങളിൽ നിന്നും എത്തിയവരാണ്. ഇവരെല്ലാം മഞ്ചേരി മെഡിക്കൽ കോളേജിൽ ചികിത്സയിലാണ്. മഞ്ചേരിയിൽ ചികിത്സയിലുള്ള രണ്ട് പാലക്കാട് സ്വദേശികൾക്കും ഓരോ കണ്ണൂർ, പത്തനംതിട്ട സ്വദേശികൾക്കും ഇന്നലെ രോഗബാധ സ്ഥിരീകരിച്ചു.

ജൂൺ 27ന് രോഗബാധ സ്ഥിരീകരിച്ച വട്ടംകുളം സ്വദേശിയുമായി ബന്ധമുള്ള നാട്ടുകാരിയായ 43 കാരി, തിരൂർ പൊലീസ് അറസ്റ്റ് ചെയ്ത തൃപ്രങ്ങോട് ചെറിയ പറപ്പൂർ സ്വദേശി (27), പുറത്തൂർ മുട്ടന്നൂർ സ്വദേശി (29) എന്നിവർക്കാണ് സമ്പർക്കത്തിലൂടെ രോഗബാധ സ്ഥിരീകരിച്ചത്.

ജൂൺ 19ന് ബംഗളൂരുവിൽ നിന്നെത്തിയ നന്നമ്പ്ര ചെറുമുക്ക് സ്വദേശികളായ 37കാരൻ, 28 കാരൻ, തിരൂരങ്ങാടി കരിമ്പിൽ സ്വദേശിനി (22), ജൂൺ 22ന് ചണ്ഡീഗഡിൽ നിന്ന് കണ്ണൂർ വഴിയെത്തിയ നിലമ്പൂർ പട്ടിപ്പാറ സ്വദേശി (33), ജൂലൈ ഒന്നിന് ബംഗളൂരുവിൽ നിന്നെത്തിയ മങ്കട വെള്ളില സ്വദേശി (44), വേങ്ങര തറയിട്ടാൽ സ്വദേശി (53), ജൂൺ 29ന് ഹൈദരാബാദിൽ നിന്ന് കൊച്ചി വഴിയെത്തിയ മലപ്പുറം പട്ടർക്കടവ് സ്വദേശി (24), നിലമ്പൂർ മണലൊടി സ്വദേശി (27), ജൂൺ 26ന് ബംഗളൂരുവിൽ നിന്നെത്തിയ തിരൂരങ്ങാടി കരിപറമ്പ് സ്വദേശി (25), ജൂൺ 22ന് ട്രിച്ചിയിൽ നിന്നെത്തിയ വളവന്നൂർ വരണിക്കര സ്വദേശി (40), ജൂൺ 30ന് മൈസൂരുവിൽ നിന്നെത്തിയ ചാലിയാർ അകമ്പാടം സ്വദേശി (34) എന്നിവർക്കാണ് ഇതര സംസ്ഥാനങ്ങളിൽ നിന്ന് തിരിച്ചെത്തിയ ശേഷം രോഗബാധയുണ്ടായത്.

ജൂൺ 22ന് ഷാർജയിൽ നിന്ന് കരിപ്പൂർ വഴിയെത്തിയ പുലാമന്തോൾ പാലൂർ റോഡ് സ്വദേശി (50), 19ന് മസ്‌കറ്റിൽ നിന്ന് കരിപ്പൂർ വഴിയെത്തിയ നെടിയിരുപ്പ് മില്ലുംപടി സ്വദേശി (26), 29ന് അബുദാബിയിൽ നിന്ന് കരിപ്പൂർ വഴിയെത്തിയ താഴേക്കോട് അരക്കുപറമ്പ് സ്വദേശി (22), ഇതേദിവസം ദമാമിൽ നിന്ന് കരിപ്പൂർ വഴിയെത്തിയ ആലിപ്പറമ്പ് മണലായ സ്വദേശി (56), 22ന് റിയാദിൽ നിന്ന് കരിപ്പൂർ വഴിയെത്തിയ മുതുവല്ലൂർ മുണ്ടംപറമ്പ് സ്വദേശി (34), 27ന് ദുബായിൽ നിന്ന് കരിപ്പൂർ വഴിയെത്തിയ മൊറയൂർ അരിമ്പ്ര സ്വദേശി (23), 29ന് റിയാദിൽ നിന്ന് കരിപ്പൂർ വഴിയെത്തിയ ചോക്കാട് കൂരാട് സ്വദേശി (82), 20ന് ദോഹയിൽ നിന്ന് കരിപ്പൂർ വഴിയെത്തിയ തേഞ്ഞിപ്പലം പാണമ്പ്ര സ്വദേശി (33), ജൂൺ ആറിന് ഷാർജയിൽ നിന്ന് കരിപ്പൂർ വഴിയെത്തിയ പൂക്കോട്ടൂർ മുണ്ടിത്തൊടിക സ്വദേശിനി (42), 24ന് റാസൽഖൈമയിൽ നിന്ന് കരിപ്പൂർ വഴിയെത്തിയ എടരിക്കോട് ക്ലാരി സ്വദേശി (33), 19ന് ജിദ്ദയിൽ നിന്ന് കൊച്ചി വഴിയെത്തിയ കാവനൂർ വാക്കാലൂർ സ്വദേശി (36), 15ന് ക്വലാലംപൂരിൽ നിന്ന് കൊച്ചി വഴിയെത്തിയ മക്കരപ്പറമ്പ് സ്വദേശി (43), 15ന് ഷാർജയിൽ നിന്ന് തിരുവനന്തപുരം വഴിയെത്തിയ കിഴിശ്ശേരി കുഴിയംപറമ്പ് സ്വദേശി (27), ജൂലൈ അഞ്ചിന് റിയാദിൽ നിന്ന് കരിപ്പൂർ വഴിയെത്തിയ മുതുവല്ലൂർ സ്വദേശിനി (25), ജൂലൈ രണ്ടിന് ദമാമിൽ നിന്ന് കരിപ്പൂർ വഴിയെത്തിയ ഇരിമ്പിളിയം വലിയകുന്ന് സ്വദേശി (51), ജൂലൈ രണ്ടിന് റിയാദിൽ നിന്ന് കരിപ്പൂർ വഴിയെത്തിയ കീഴുപറമ്പ് മുരിഞ്ഞമാട് സ്വദേശി (30), മൂത്തേടം സ്വദേശി (33), താനാളൂർ വൈലത്തൂർ സ്വദേശി (35), എ.ആർ. നഗർ കൊളപ്പുറം സ്വദേശി (28), തെന്നല അറക്കൽ സ്വദേശി (29), ജൂൺ ആറിന് ബഹ്റയിനിൽ നിന്ന് കരിപ്പൂർ വഴിയെത്തിയ തിരൂരങ്ങാടി പതിനാറുങ്ങൽ സ്വദേശി (32) എന്നിവരാണ് മഞ്ചേരി മെഡിക്കൽ കോളേജിൽ വിദേശ രാജ്യങ്ങളിൽ നിന്നെത്തി രോഗബാധ സ്ഥിരീകരിച്ച് ചികിത്സയിലുള്ളത്.

മഞ്ചേരിയിൽ ചികിത്സയിൽ കഴിയുന്ന പാലക്കാട് ആനക്കര സ്വദേശിനി (65), ജൂലൈ രണ്ടിന് ദമാമിൽ നിന്ന് കരിപ്പൂർ വഴിയെത്തിയ പത്തനംതിട്ട കുറുമ്പാല സ്വദേശിനി (43), ജൂലൈ ഒന്നിന് ജിദ്ദയിൽ നിന്ന് കരിപ്പൂർ വഴിയെത്തിയ പാലക്കാട് വിളയൂർ സ്വദേശിനി (25), കണ്ണൂർ പിണറായി സ്വദേശിനി (60) എന്നിവർക്കും ഇന്നലെ രോഗബാധ സ്ഥിരീകരിച്ചു.