മലപ്പുറം: കൊവിഡ് ബാധിച്ച് ചികിത്സയിലായിരുന്ന മലയാളി സൗദി അറേബ്യയിലെ റിയാദിൽ മരിച്ചു. മലപ്പുറം കോട്ടപ്പടി സ്വദേശി തിരിക്കോട്ടിൽ നജീബ്(55) ആണ് ചൊവ്വാഴ്ച പുലർച്ചെ റിയാദിലെ ആശുപത്രിയിൽ മരിച്ചത്. നാലുദിവസമായി ആശുപത്രിയിൽ ചികിത്സയിലായിരുന്നു.
പരിശോധനയിൽ കൊവിഡ് സ്ഥിരീകരിച്ചിരുന്നു. പരേതനായ തിരിക്കോട്ടിൽ കോയയുടെയും മൈമൂനത്തിന്റെയും മകനാണ്. ഭാര്യ: റൈഹാനത്ത്. മക്കൾ: ജഹാന ഷെറിൻ, ജസീം, ജാഹിസ്. സഹോദരങ്ങൾ: ഹമീദ് (റിയാദ്), നസീമ, റജീന. മൃതദേഹം റിയാദിൽ ഖബറടക്കും