ക​രി​പ്പൂർ: ക​രി​പ്പൂർ വി​മാ​ന​ത്താ​വ​ള​ത്തിൽ സ്ത്രീ ഉൾപ്പെ​ടെ നാ​ല് യാ​ത്ര​ക്കാ​രിൽ നി​ന്ന് എ​യർ​ ക​സ്റ്റം​സ് ഇന്റ​ലി​ജൻ​സ് 1.14 കോ​ടി​യു​ടെ സ്വർ​ണം ഇന്നലെ പുലർച്ചെ പി​ടി​കൂ​ടി. ഒ​ളി​പ്പി​ച്ചു ക​ടത്തിയ മൂ​ന്ന് കി​ലോ​ഗ്രാമോളം മി​ശ്രി​ത​ത്തിൽ നിന്ന് 2.3 കി​ലോ​ സ്വർ​ണം വേ​ർ​തി​രി​ച്ചെ​ടു​ത്തു.

വെള്ളിയാഴ്ച മൂന്നുപേരിൽ നിന്നായി ഒന്നരക്കോടിയുടെ സ്വർണം പിടികൂടിയിരുന്നു. തിരുവനന്തപുരത്തെ സ്വർണക്കടത്ത് വിവാദമായി നിറയുന്നതിനിടയിലാണ് കരിപ്പൂരിലൂടെയുള്ള കടത്ത് തുടരുന്നത്.
റാ​സൽഖൈ​മ​യിൽ നിന്ന് സ്‌​പൈസ് ജെ​റ്റിൽ ക​രി​പ്പൂ​രി​ലെത്തിയ തിരു​വ​ന​ന്ത​പു​രം സ്വ​ദേ​ശി​നി സീ​ന​മോ​ൾ, കാ​സർ​കോ​ട് സ്വ​ദേ​ശി​കളാ​യ അ​ബ്ദുൾ സ​ത്താ​ർ, മു​ഹമ്മ​ദ് ഫൈ​സ​ൽ, മു​ഹ​മ്മ​ദ് മി​ഥു​ലാ​ജ് എ​ന്നി​വ​രിൽ നി​ന്നാ​ണ്

സ്വർ​ണം പി​ടി​കൂ​ടി​യത്.അ​ടി​വ​സ്​ത്ര​ത്തിൽ ഒ​ളി​പ്പി​ച്ച നി​ല​യി​ൽ 1.8 കിലോ സ്വർ​ണ മി​ശ്രി​ത​വു​മായാണ് സീ​ന​മോ​ൾ ക​രി​പ്പൂ​രി​ലെ​ത്തി​യത്. അ​ബ്ദുൾ സ​ത്താ​റിൽ നി​ന്ന് 388 ഗ്രാമും, മു​ഹമ്മ​ദ് ഫൈ​സ​ലിൽ നി​ന്ന് 390 ഗ്രാമും, മു​ഹ​മ്മ​ദ് മി​ഥു​ലാ​ജിൽ നി​ന്ന് 387 ഗ്രാമും പി​ടി​ച്ചെ​ടുത്തു. സ്വർണം പേസ്റ്റ് രൂപത്തിലാക്കി ജീൻ​സിന്റെ വെയ്സ്റ്റ് ബാൻഡിനുളളിൽ ഒളിപ്പിച്ച നിലയിലായിരുന്നു.