തേഞ്ഞിപ്പലം : കാലിക്കറ്റ് സർവകലാശാല വൈസ് ചാൻസലറായി ഡോ. എം.കെ. ജയരാജ് തിങ്കളാഴ്ച ചുമതലയേൽക്കും. കുസാറ്റ് ഫിസിക്സ് വിഭാഗം പ്രൊഫസറാണ് നിലവിൽ ഡോ. എം.കെ. ജയരാജ്. നാല് വർഷത്തേക്കാണ് നിയമനം.കാലിക്കറ്റ് സർവ്വകലാശാലയിൽ നിന്നും ബിഎസ് സി ഫിസിക്സിൽ ബിരുദം നേടിയ അദ്ദേഹം കുസാറ്റിൽ നിന്നാണ് പി.ജിയും പി.എച്ച്.ഡിയും നേടിയത്. 1990-​91 കാലയളവിൽ ഫിസിക്കൽ റിസർച്ച് ലബോറട്ടറിയിൽ ജോലി ചെയ്തിട്ടുണ്ട്. ഇറ്റലിയിലെ ഇ .എൻ .ഇ.എ യിൽ വിസിറ്റിംഗ് സയന്റിസ്റ്റ് ആയും ജപ്പാനിലെ ടോക്കിയോ ഇൻസ്റ്റിറ്റ്യൂട്ട് ഒഫ് ടെക്‌നോളജി വിസിറ്റിംഗ് പ്രൊഫസറായും ജോലി ചെയ്തിട്ടുണ്ട്.