മലപ്പുറം: ജില്ലയിൽ 47 പേർക്ക് കൂടി ഇന്നലെ കൊവിഡ് സ്ഥിരീകരിച്ചു. ഇവരിൽ 21 പേർക്ക് സമ്പർക്കത്തിലൂടെയാണ് രോഗബാധ. പൊന്നാനിയിൽ രോഗവ്യാപനം തടയുന്നതിന്റെ ഭാഗമായി നടത്തിയ പരിശോധനയിലാണ് ഇതിൽ 19 പേർക്കും വൈറസ് ബാധ സ്ഥിരീകരിച്ചത്. രോഗം സ്ഥിരീകരിച്ചവരിൽ ശേഷിക്കുന്ന നാല് പേർ ഇതര സംസ്ഥാനങ്ങളിൽ നിന്നും 22 പേർ വിദേശ രാജ്യങ്ങളിൽ നിന്നും എത്തിയവരാണ്.

ജൂലൈ എട്ടിന് രോഗബാധ സ്ഥിരീകരിച്ച പരപ്പനങ്ങാടിയിലെ നാടോടിയായ 60 വയസുകാരിയുമായി ബന്ധമുണ്ടായ മൂന്നിയൂർ സ്വദേശിയായ ഡോക്ടർ (42), ജൂലൈ ഒമ്പതിന് രോഗബാധ സ്ഥിരീകരിച്ച പൊന്നാനി നഗരസഭ കൗൺസിലറുമായി ബന്ധമുണ്ടായ പൊന്നാനി സ്വദേശി (56) എന്നിവർക്ക് കൊവിഡ് സ്ഥിരീകരിച്ചു. പൊന്നാനിയിൽ രോഗവ്യാപനം തടയുന്നതിന്റെ ഭാഗമായി നടത്തിയ പരിശോധനയിൽ ജൂലൈ എട്ടിന് സ്വകാര്യ സ്ഥാപനത്തിലെ ജീവനക്കാരനായ പൊന്നാനി സ്വദേശി (25), മത്സ്യത്തൊഴിലാളികളായ 48കാരൻ, 65കാരൻ, സ്വകാര്യ സ്ഥാപനത്തിലെ അദ്ധ്യാപിക (50), ആംബുലൻസ് ഡ്രൈവർ (64), മത്സ്യത്തൊഴിലാളി (58), മാംസ വിൽപ്പന കേന്ദ്രത്തിലെ തൊഴിലാളി (32), വീട്ടമ്മ (42), മത്സ്യത്തൊഴിലാളി (75), പെയിന്റിംഗ് തൊഴിലാളി (49), നിർമ്മാണ തൊഴിലാളി (35), വീട്ടമ്മ (36), പെയിന്റിംഗ് തൊഴിലാളി (34), ബാങ്ക് ജീവനക്കാരി (34), മത്സ്ത്തൊഴിലാളി (39), വർക്ക്‌ഷോപ്പ് ജീവനക്കാരൻ (46), ലോട്ടറി കച്ചവടക്കാരൻ (37), ഫാർമസി ജീവനക്കാരി (49), ഹാർഡ്‌വെയർ ഷോപ്പ് ജീവനക്കാരൻ (20) എന്നിവർക്കും സമ്പർക്കത്തിലൂടെ രോഗബാധ സ്ഥിരീകരിച്ചു.

ജൂലൈ നാലിന് ബംഗളൂരുവിൽ നിന്നെത്തിയ വള്ളിക്കുന്ന് സ്വദേശി (39), ജൂൺ 28ന് ബംഗളൂരുവിൽ നിന്നെത്തിയ നന്നമ്പ്ര സ്വദേശി (44), ജൂൺ 28ന് മുംബൈയിൽ നിന്നെത്തിയ വട്ടംകുളം സ്വദേശിനി (37), ജൂലൈ ഒമ്പതിന് ബംഗളൂരുവിൽ നിന്നെത്തിയ ഏലംകുളം സ്വദേശി (27) എന്നിവർക്കാണ് ഇതര സംസ്ഥാനങ്ങളിൽ നിന്ന് തിരിച്ചെത്തിയ ശേഷം രോഗബാധയുണ്ടായത്.

ജൂലൈ ഒന്നിന് ജിദ്ദയിൽ നിന്ന് കരിപ്പൂർ വഴിയെത്തിയ മഞ്ചേരി സ്വദേശി (47), ജൂൺ 25ന് ദമാമിൽ നിന്ന് കരിപ്പൂർ വഴിയെത്തിയ പാണ്ടിക്കാട് സ്വദേശി (36), ജൂലൈ ഒമ്പതിന് റിയാദിൽ നിന്ന് കരിപ്പൂർ വഴിയെത്തിയ പള്ളിക്കൽ സ്വദേശി (52), ജൂലൈ മൂന്നിന് ദമാമിൽ നിന്ന് കൊച്ചി വഴിയെത്തിയ എടക്കര സ്വദേശി (33), ജൂലൈ മൂന്നിന് ബഹ്റിനിൽ നിന്ന് കരിപ്പൂർ വഴിയെത്തിയ എടവണ്ണ സ്വദേശി (37), ജൂൺ 20ന് ജിദ്ദയിൽ നിന്ന് കൊച്ചി വഴിയെത്തിയ മഞ്ചേരി സ്വദേശി (28), ജൂൺ 25ന് ദമാമിൽ നിന്ന് കൊച്ചി വഴിയെത്തിയ കാവനൂർ സ്വദേശി (30), ജൂൺ 20ന് ജിദ്ദയിൽ നിന്ന് കൊച്ചി വഴിയെത്തിയ മഞ്ചേരി സ്വദേശി (54), ജൂലൈ അഞ്ചിന് ജിദ്ദയിൽ നിന്ന് കരിപ്പൂർ വഴിയെത്തിയ ആനക്കയം സ്വദേശി (49), ജൂലൈ നാലിന് ജിദ്ദയിൽ നിന്ന് കരിപ്പൂർ വഴിയെത്തിയ പോരൂർ സ്വദേശി (52), ജൂൺ 17ന് റാസൽഖൈമയിൽ നിന്ന് കരിപ്പൂർ വഴിയെത്തിയ തിരൂരങ്ങാടി സ്വദേശി (26), ജൂലൈ അഞ്ചിന് റിയാദിൽ നിന്ന് കരിപ്പൂർ വഴിയെത്തിയ വാഴക്കാട് സ്വദേശി (26), റിയാദിൽ നിന്ന് കരിപ്പൂർ വഴിയെത്തിയ തിരൂരങ്ങാടി സ്വദേശി (32), ജൂൺ 23ന് ദുബായിൽ നിന്ന് കൊച്ചി വഴിയെത്തിയ തവനൂർ സ്വദേശി (30), ജൂൺ 29ന് ദോഹയിൽ നിന്ന് കണ്ണൂർ വഴിയെത്തിയ തൃക്കലങ്ങോട് സ്വദേശി (46), ജൂൺ 25ന് റിയാദിൽ നിന്ന് കരിപ്പൂർ വഴിയെത്തിയ പുളിക്കൽ സ്വദേശിനി (80), ജൂൺ 23ന് ഷാർജയിൽ നിന്ന് കരിപ്പൂർ വഴിയെത്തിയ കൂട്ടിലങ്ങാടി സ്വദേശി (28), ജൂൺ 25ന് അബുദാബിയിൽ നിന്ന് കരിപ്പൂർ വഴിയെത്തിയ മംഗലം സ്വദേശി (43), ജൂൺ 26ന് റിയാദിൽ നിന്ന് കരിപ്പൂർ വഴിയെത്തിയ വളാഞ്ചേരി സ്വദേശി (22), ജൂലൈ നാലിന് ദോഹയിൽ നിന്ന് കരിപ്പൂർ വഴിയെത്തിയ പെരുമ്പടപ്പ് സ്വദേശി (30), ജൂൺ 25ന് റിയാദിൽ നിന്ന് കരിപ്പൂർ വഴിയെത്തിയ പുളിക്കൽ സ്വദേശിനി (34), ജൂലൈ ഒന്നിന് ജിദ്ദയിൽ നിന്ന് കൊച്ചി വഴിയെത്തിയ കണ്ണമംഗലം സ്വദേശി (34) എന്നിവർക്ക് വിദേശ രാജ്യങ്ങളിൽ നിന്നെത്തിയും രോഗബാധ സ്ഥിരീകരിച്ചു.