ഇന്നലെ കൊവിഡ് സ്ഥിരീകരിച്ചത് 25 പേർക്ക്

പാലക്കാട്: ജില്ലയിൽ മൂന്നുകുട്ടികളുൾപ്പെടെ 25 പേർക്ക് ഇന്നലെ കൊവിഡ് സ്ഥിരീകരിച്ചു. സൗദിയിൽ നിന്നെത്തിയവരാണ് രോഗബാധിതരിൽ കൂടുതലും. 72 പേർ രോഗമുക്തി നേടി. നിലവിൽ ചികിത്സയിലുള്ളവരുടെ എണ്ണം 217.

രോഗബാധിതരുടെ വിവരങ്ങൾ

സൗദി (13)​: കുഴൽമന്ദം സ്വദേശി (46), തത്തമംഗലം സ്വദേശികളായ രണ്ടുപേർ (37, 34), കോട്ടോപ്പാടം സ്വദേശി (41), കുമരംപുത്തൂർ സ്വദേശികളായ ഗർഭിണിയും (27) മകനും (4),​ കുടുംബാംഗങ്ങളായ രണ്ടു സഹോദരന്മാരും (1, 4), ശ്രീകൃഷ്ണപുരം സ്വദേശി (33), തെങ്കര സ്വദേശികൾ (31, 32), തച്ചനാട്ടുകര സ്വദേശി (45), റിയാദിൽ നിന്നുള്ള കാഞ്ഞിരപ്പുഴ സ്വദേശി (40).

തമിഴ്‌നാട് (5)​: കോയമ്പത്തൂരിൽ നിന്നുള്ള പെരുവെമ്പ് സ്വദേശി (27), ചെന്നൈയിൽ നിന്നുള്ള കുമരംപുത്തൂർ സ്വദേശിയായ ഗർഭിണി (33), ശ്രീകൃഷ്ണപുരം സ്വദേശികളായ ദമ്പതികൾ (40, 47), ശ്രീകൃഷ്ണപുരം സ്വദേശി (59).

മഹാരാഷ്ട്ര (1)​: നെന്മാറ സ്വദേശി (29). ഹൈദരാബാദ് (1)​: ചിറ്റൂർ സ്വദേശി (30). ദുബായ് (1)​: കുമരംപുത്തൂർ സ്വദേശി (56). കുവൈത്ത് (1): കോട്ടോപ്പാടം സ്വദേശി (24). ഖത്തർ (1)​: ഓങ്ങല്ലൂർ സ്വദേശി (22). ബംഗാൾ (1): കാഞ്ഞിരപ്പുഴ സ്വദേശി (29). കർണാടക (1): തരൂർ സ്വദേശി (30).

ജാർഖണ്ഡിൽ നിന്നെത്തി എലപ്പുള്ളി ലേബർ ക്യാമ്പിൽ കഴിയവേ ജൂലായ് ഒമ്പതിന് രോഗം സ്ഥിരീകരിച്ച 11 തൊഴിലാളികളുടെ സമ്പർക്ക പട്ടികയിൽ ഉൾപ്പെട്ട 14 പേരുടെ സാമ്പിൾ പരിശോധനയിൽ ഏഴെണ്ണം നെഗറ്റീവാണ്.