പാലക്കാട്: ജില്ലയിൽ ഇന്നലെ 46 പേർക്ക് കൊവിഡ് സ്ഥിരീകരിച്ചു. ഇതിൽ 36 പേർക്കും രോഗബാധ കണ്ടെത്തിയത് പട്ടാമ്പിയിൽ നടത്തിയ ആന്റിജൻ ടെസ്റ്റിലൂടെയാണ്. ഇന്നലെ 34 പേർ രോഗമുക്തി നേടിയതായും ആരോഗ്യ വകുപ്പ് അധകൃതർ അറിയിച്ചു. ഇതോടെ വൈറസ് ബാധയേറ്റ് ജില്ലയിൽ ചികിത്സയിലുള്ളവരുടെ എണ്ണം 307 ആയി. തമിഴ്‌നാട്ടിൽ നിന്നുവന്ന ഷൊർണൂർ സ്വദേശിയായ ഒരു വയസുകാരന് ഉൾപ്പെടെയാണ് ഇന്നലെ രോഗം സ്ഥിരീകരിച്ചത്.

 രോഗം സ്ഥിരീകരിച്ചവർ

തമിഴ്‌നാട് -3 - അഗളി സ്വദേശി (27), ഷൊർണൂർ സ്വദേശികൾ (31പുരുഷൻ, ഒരുവയസുള്ള ആൺകുട്ടി). കർണാടക - 2 - പൂക്കോട്ടുകാവ് സ്വദേശി (62), കരിമ്പ സ്വദേശി (23), സൗദി -2 - ലക്കിടി പേരൂർ സ്വദേശി (58), ഒറ്റപ്പാലം വരോട് സ്വദേശി (39). യു.എ.ഇ -3 - ലക്കിടി പേരൂർ സ്വദേശി (47), അനങ്ങനടി സ്വദേശി (33), തൃക്കടീരി സ്വദേശി (23).

 ആന്റിജൻ ടെസ്റ്റിലൂടെ രോഗബാധ സ്ഥിരീകരിച്ചവർ

പട്ടാമ്പിയിൽ നടത്തിയ റാപ്പിഡ് ആന്റിജൻ ടെസ്റ്റിൽ പട്ടാമ്പിയിലും സമീപ പ്രദേശങ്ങളിലുമുള്ള 36 പേർക്ക് രോഗം സ്ഥിരീകരിച്ചു. 565 പേരിൽ നടത്തിയ പരിശോധനയിലാണ് 36 പേർക്ക് രോഗം കണ്ടെത്തിയത്. പട്ടാമ്പി സ്വദേശികളായ 21 പേർ, കുലുക്കല്ലൂർ സ്വദേശികളായ അഞ്ച് പേർ, ഓങ്ങല്ലൂർ സ്വദേശികളായ നാല് പേർ,

തിരുമിറ്റക്കോട്, മുതുതല, പട്ടിത്തറ, ഷോർണൂർ, വല്ലപ്പുഴ, വിളയൂർ സ്വദേശികൾ ഒരാൾ വീതം.