പത്തനംതിട്ട : മല്ലപ്പള്ളി പഞ്ചായത്ത് പരിധിയിലെ ഓൺലൈൻ പഠന സൗകര്യമില്ലാത്ത വിദ്യാർത്ഥികൾക്ക് പഞ്ചായത്ത് ഭരണസമിതിയുടെ നേതൃത്വത്തിൽ ടെലിവിഷൻ വിതരണം ചെയ്തു.പഞ്ചായത്ത് പ്രസിഡന്റ് റെജി ശാമുവേലിന്റെ അദ്ധ്യക്ഷതയിൽ ചേർന്ന യോഗത്തിൽ ജനപ്രതിനിധികളുടേയും വിവിധ സ്‌കൂൾ അധികൃതരുടേയും നിർദേശങ്ങൾ പരിഗണിച്ച് തെരഞ്ഞെടുത്ത 16 കുടുംബങ്ങളിലെ വിദ്യാർത്ഥികൾക്കാണ് ആദ്യഘട്ടത്തിൽ എൽ.ഇഡി ടിവികൾ നൽകിയത്. വൈസ് പ്രസിഡന്റ് രോഹിണി ജോസ്,സ്റ്റാൻഡിംഗ് കമ്മിറ്റി ചെയർമാൻമാരായ ജോസഫ് ഇമ്മാനുവേൽ,പി.എസ്.രാജമ്മ,പ്രകാശ്കുമാർ വടക്കേമുറി,പ്രിൻസി കുരുവിള,ബിജി വറുഗീസ്,റീനായുഗേഷ്,മോളി ജോയി,രമ്യാ മനോജ്,ബി.പ്രമോദ് എന്നിവരും സെക്രട്ടറി പി.കെ.ജയൻ,അസി.സെക്രട്ടറി സാം കെ.സലാം,എ.ഇ.ഒ മിനികുമാരി,ബി.ആർ.സി കോ-ഓർഡിനേറ്റർമാരായ ശാന്തി ശാമുവേൽ, അജയകുമാർ,ഹെഡ്മാസ്റ്റർ ജേക്കബ് ജോർജ് എന്നിവരും രക്ഷിതാക്കളും പങ്കെടുത്തു.