കോന്നി: കോന്നി താലൂക്ക് ആശുപത്രിയുടെ നവീകരിച്ച കെട്ടിടം 13ന് രാവിലെ 10.30 ന് മന്ത്റി കെ.കെ. ഷൈലജ ഉദ്ഘാടനം ചെയ്യും. കെ.യു. ജനീഷ്‌കുമാർ എം.എൽ.എ അദ്ധ്യക്ഷത വഹിക്കും.

ബ്ലോക്ക് പഞ്ചായത്തിന്റെ 2016- 17 വാർഷിക പദ്ധതിയിലുൾപ്പെടുത്തി 1.11 കോടി രൂപ ചെലവിലാണ് കെട്ടിടം നിർമ്മിച്ചത്. സ്ത്രീകൾക്കായുള്ള ഐ.പി.വാർഡും ജറിയാട്രിക് വാർഡും കെട്ടിടത്തിന്റെ താഴത്തെ നിലയിൽ പ്രവർത്തിക്കും. മുകളിലത്തെ നിലയിൽ ഡയാലിസിസ് യൂണി​റ്റ് തുടങ്ങും. നിലവിലുള്ള ഒ.പി.കെട്ടിടത്തിന് മുകളിൽ എം.എൽ.എ ഫണ്ടുപയോഗിച്ച് നാലുനിലകൾ കൂടി നിർമ്മിക്കും. ദിവസേന 1000 രോഗികളാണ് താലൂക്കാശുപത്രിയിലെത്തുന്നത് . ബ്ളോക്ക് പഞ്ചായത്ത് പ്രസിഡന്റ് കോന്നിയൂർ പി.കെ, അംഗം മിനി വിനോദ് , ആർ.എം.ഒ ഡോ: അജയ് ഏബ്രഹാം, താലൂക്കാശുപത്രിഹെൽത്ത് ഇൻസ്‌പെകർ സി.വി.സാജൻ എന്നിവർ പത്രസമ്മേളനത്തിൽ പങ്കെടുത്തു.