പത്തനംതിട്ട: മുഖ്യമന്ത്രിയുടെ ഓഫീസ് ഉൾപ്പെട്ട രാജ്യാന്തര സ്വർണക്കടത്ത് കേസിൽ എൻ.ഐ.എയോടൊപ്പം, സി.ബി.ഐയും അന്വേഷണം നടത്തണമെന്നും മുഖ്യമന്ത്രി രാജി വെയ്ക്കണമെന്നാവശ്യപ്പെട്ടും കെ.പി. സി.സി ആഹ്വാനമനുസരിച്ച് ഇന്ന് താലൂക്ക് കേന്ദ്രങ്ങളിൽ പ്രതിഷേധധർണ നടത്തുമെന്ന് ഡി.സി.സി പ്രസിഡന്റ് ബാബു ജോർജ്ജ് അറിയിച്ചു.തിരുവല്ലയിൽ ഡി.സി.സി പ്രസിഡന്റ് ബാബു ജോർജ്ജും,കോഴഞ്ചേരിയിൽ കെ.പി.സി.സി ജനറൽ സെക്രട്ടറി അഡ്വ.ശിദാസൻനായരും,അടൂരിൽ കെ.പി.സി.സി ജനറൽ സെക്രട്ടറി അഡ്വ.പഴകുളം മധുവും , മല്ലപ്പള്ളിയിൽ കെ.പി.സി.സി അംഗം സതീഷ് കൊച്ചുപറമ്പിലും,റാന്നിയിൽ കെ.പി.സി.സി അംഗം മാലേത്ത് സരളാദേവിയും,കോന്നിയിൽ കെ.പി.സി.സി അംഗം മാത്യു കുളത്തുങ്കലും താലുക്ക്തല പ്രതിഷേധ ധർണകൾ ഉദ്ഘാടനം ചെയ്യും.