തിരുവല്ല: ഓതറ പഴയകാവ്‌ ശ്രീകൃഷ്ണസ്വാമി ക്ഷേത്രത്തിലെ വലിയമ്പലത്തിന്റെ നിർമ്മാണ പ്രവർത്തനങ്ങളുടെ ഭാഗമായി കട്ടിളവെപ്പ് നടന്നു. മേൽശാന്തി മൃത്യുഞ്ജയൻ നമ്പൂതിരിയുടെ കാർമ്മികത്വത്തിൽ വിശേഷാൽ പൂജകൾക്ക് ശേഷമായിരുന്നു ചടങ്ങ്. ചെയർമാൻ സുരേഷ് ഓതറ, കൺവീനർ രാഹുൽരാജ്, ഭരണസമിതി അംഗങ്ങളായ രാജു ചെറുവള്ളിൽ,സഹദേവൻപിള്ള, രാജശേഖരൻ നായർ,രാധകൃഷ്ണൻ നായർ,രമേശ്കുമാർ, രാധകൃഷ്ണൻ നായർ,ശാരദ.എസ്.പിള്ള എന്നിവർ നേതൃത്വം നൽകി.