മല്ലപ്പള്ളി : സ്വർണ കള്ളക്കടത്ത് കേസുമായി ബന്ധപ്പെട്ട് മുഖ്യമന്ത്രിയുടെ ഓഫീസിന്റെ പങ്ക് അന്വേഷിക്കണമെന്നും എൻ.ഐ.എ.ക്കു പുറമെ സി.ബി.ഐ.അന്വേഷിക്കണമെന്നും ആവശ്യപ്പെട്ട് ഐ.എൻ.ടി.യു.സി. തിരുവല്ല നിയോജക മണ്ഡലം കമ്മിറ്റിയുടെ നേതൃത്വത്തിൽ മല്ലപ്പള്ളിയിൽ ധർണ നടത്തി.നിയോജക മണ്ഡലം പ്രസിഡൻ്റ് പി.എം.റെജിമോൻ അദ്ധ്യക്ഷത വഹിച്ചു.ഡി.സി.സി.ജനറൽ സെക്രട്ടറി റെജി തോമസ് ഉദ്ഘാടനം ചെയ്തു.ഐ.എൻ.ടി.യു.സി. സംസ്ഥാന നിർവാഹക സമിതി അംഗം എ.ഡി. ജോൺ, കോൺഗ്രസ് മണ്ഡലം പ്രസിഡൻ്റ് കെ.ജി.സാബു, എബി മേക്കരിക്കാട്ട്,ബിജു പുറത്തോടൻ,മധു പുന്നാനി,മോനി ഇരുമേട, ജോയി തോട്ടക്കൽ, തമ്പി കാട്ടാമല, സജി തോട്ടത്തി മലയിൽ എന്നിവർ സംസാരിച്ചു.