തിരുവല്ല: സർക്കാരിന്റെ ആംനസ്റ്റി പദ്ധതി പ്രകാരം മൂല്യവർദ്ധിത നികുതി, ആഡംബര നികുതി, കേന്ദ്ര വിൽപ്പന നികുതി, പൊതുവിൽപ്പന നികുതി വിഭാഗത്തിൽപ്പെട്ട നികുതി കുടിശ്ശികക്കാർക്ക് ജൂലൈ 31നകം ഓൺലൈനായി അപേക്ഷ സമർപ്പിക്കാം. പദ്ധതിപ്രകാരം നികുതി തുകയുടെ 40 ശതമാനം ഒറ്റത്തവണയായും 50 ശതമാനം ഡിസംബർ 31ന് മുമ്പ് തവണകളായോ അടയ്ക്കാം. പലിശ, പിഴപലിശ എന്നിവ പൂർണമായും ഒഴിവാക്കും. 2005 ഏപ്രിൽ ഒന്നുമുതൽ 2020 മാർച്ച് 31 വരെയുള്ള പൊതുവിൽപ്പന നികുതി കുടിശ്ശികക്കാർക്ക് നികുതിയും പലിശയും അടച്ചാൽ പിഴയും പലിശയും ഒഴിവാകും. കുടിശ്ശികയുള്ള എല്ലാ വ്യാപാരികളും ഒറ്റത്തവണ തീർപ്പാക്കൽ പദ്ധതി പ്രയോജനപ്പെടുത്തണമെന്ന് ജില്ലാ ചരക്ക് സേവന നികുതി ജോയിന്റ് കമ്മീഷണർ അറിയിച്ചു. ഫോൺ: 94475 05128, 83300 11242.