പത്തനംതിട്ട : കേരള ഡെവലപ്‌മെന്റ് ആൻഡ് ഇന്നൊവേഷൻ സ്ട്രാറ്റജിക് കൗൺസിൽ (കെഡിസ്‌ക്) യംഗ് ഇന്നൊവേറ്റേഴ്സ് പ്രോഗ്രാം പ്രഖ്യാപിച്ചു. നോർമൽ ഇന്നവേഷൻ ട്രാക് ചലഞ്ച് പ്രകാരം സെലക്ഷൻ നടന്നു വരുന്നു. യു.എസ്.എയിലെ നാഷണൽ സയൻസ് ഫൗണ്ടേഷന് സമാനമായ പ്രോത്സാഹന പരിപാടിയായാണ് യംഗ് ഇന്നൊവേറ്റേഴ്സ് പ്രോഗ്രാം രൂപകൽപ്പന ചെയ്തിരിക്കുന്നത്. 2020- 23 ലെ ഐഡിയ രജിസ്‌ട്രേഷൻ ജൂലൈ 28 വരെ ദീർഘിപ്പിച്ചു. വിശദാംശങ്ങൾ https://yip.kerala.gov.in/
2018 മുതൽ ആരംഭിച്ച പരിപാടിയിൽ സ്‌കൂൾ കോളജ് വിദ്യാർത്ഥികളിൽ നിന്നുള്ള ഇന്നൊവേറ്റർമാരെ കണ്ടെത്തി പ്രോത്സാഹനം നൽകും. 2018 ൽ 203 പേരും 2019 ൽ 370 പേരും പ്രോഗ്രാമിൽ തിരഞ്ഞെടുക്കപ്പെട്ടു. 2018 - 21 ലെ പരിപാടിയിൽ ഒൻപതു പേർക്ക് ആക്സലറേറ്റഡ് ഇന്നവേഷൻ ട്രാക്ക് ചലഞ്ചിൽ 2,72,000 തുക ഗ്രാന്റായി അനുവദിച്ചു.