കോഴഞ്ചേരി : കോഴഞ്ചേരി ലയൺസ് ക്ലബിന്റെ കൊവിഡ് 19 പ്രതിരോധ പ്രവർത്തനങ്ങളുടെ രണ്ടാം ഘട്ടം വീണാ ജോർജ്ജ് എം.എൽ.എ ഉദ്ഘാടനം ചെയ്തു. കോഴഞ്ചേരി ജില്ലാ ആശുപത്രിയിൽ നടന്ന ചടങ്ങിൽ ലയൺസ് ക്ലബ് പ്രസിഡന്റ് സാബു ജോർജ്ജ് അദ്ധ്യക്ഷനായി. ലയൺസ് ക്ലബ് സെക്രട്ടറി ചന്ദ്രശേഖരകുറുപ്പ് സ്വാഗതം പറഞ്ഞു. ജില്ലാ ആശുപത്രിയിലേക്ക് ആവശ്യമായ സാനിറ്റൈസർ, മാസ്‌ക്, ഗ്ലൗസ്സ്, സാനിറ്റൈസർ ഡിസ്‌പെൻസർ, ബക്കറ്റ്, മിനറൽ വാട്ടർ, വെയ്സ്റ്റ് ബിൻ എന്നിവ ആശുപത്രി സൂപ്രണ്ടിന് കൈമാറി. ജില്ലാ ആശുപത്രി സൂപ്രണ്ട് എസ്.പ്രതിഭ, പഞ്ചായത്ത് പ്രസിഡന്റ് മിനി ശ്യാം മോഹൻ,റീജിയൻ ചെയർപേഴ്സൺ നവീൻ, സോണി കൊച്ചുതുണ്ടിയിൽ, ചെറിയാൻ മാത്യു, ഷാജി പള്ളിപ്പീടികയിൽ എന്നിവർ സംസാരിച്ചു.