കൊട്ടാരക്കര: വീട്ടമ്മയ്ക്കും പ്രായപൂർത്തിയാകാത്ത പെൺമക്കൾക്കും നേരെ ലൈംഗിക അതിക്രമം കാട്ടിയ റിട്ട.ബ്ളോക്ക് ഓഫീസർ അറസ്റ്റിൽ. കൊട്ടാരക്കര കാടാംകുളം ശാന്തി നിലയത്തിൽ ശിവദാസൻപിള്ളയെ(59) ആണ് കൊട്ടാരക്കര പൊലീസ് അറസ്റ്റ് ചെയ്തത്. കാടാംകുളം സ്വദേശിനിയായ വീട്ടമ്മയുടെ പരാതിയിലാണ് പ്രതിയെ അറസ്റ്റ് ചെയ്തത്. വീട്ടമ്മയെയും പതിനാറും പതിമൂന്നും വയസുള്ള പെൺമക്കളെയും പ്രതി നിരന്തരം ശല്യപ്പെടുത്തുകയും ലൈംഗിക ചേഷ്ടകൾ കാട്ടുകയും ചെയ്തിരുന്നു. മുൻപും സമാനമായ മൂന്ന് കേസുകൾ പ്രതിയ്ക്കെതിരെ കൊട്ടാരക്കര പൊലീസ് രജിസ്റ്റർ ചെയ്തിട്ടുണ്ട്. കൊട്ടാരക്കര സി.ഐ ജോസഫ് ലിയോൺ, എസ്.ഐ രാജീവ് എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.