9 പേർക്ക് സമ്പർക്കത്തിലൂടെ രോഗം

2 പേരുടെ ഉറവിടം വ്യക്തമല്ല

18 പേർ രോഗമുക്തർ

 192 പേരാണ് ചികിത്സയിലുള്ളത്

കൊല്ലം: ജില്ലയിൽ ഇന്നലെ 18 പേർക്ക് കൂടി കൊവിഡ് സ്ഥിരീകരിച്ചു. ഇതിൽ 9 പേർക്ക് സമ്പർക്കത്തിലൂടെയാണ് രോഗം പടർന്നത്. ഇതിൽ രണ്ട് പേരിലേക്ക് രോഗം പടർന്ന ഉറവിടം വ്യക്തമല്ല. ബാക്കിയുള്ളവർ അന്യദേശങ്ങളിൽ നിന്നെത്തിയവരാണ്. 18 പേർ രോഗമുക്തരായി. ഇതോടെ കൊവിഡ് ബാധിച്ച് സംസ്ഥാനത്ത് ചികിത്സയിലുള്ള കൊല്ലം സ്വദേശികളുടെ എണ്ണം 192 ആയി.

ഇന്നലെ കൊവിഡ് സ്ഥിരീകരിച്ചവർ

1. തേവലക്കര സ്വദേശിനിയായ ആശാ പ്രവർത്തക (45) - പ്രാദേശിക സമ്പർക്കം

2. വടക്കുംതല സ്വദേശിയായ യുവാവ് (21)- പ്രാദേശിക സമ്പർക്കം, ഉറവിടം വ്യക്തമല്ല

3. തേവലക്കര അരിനല്ലൂർ സ്വദേശിനിയായ അഞ്ഞിലിമൂട് ചന്തയിലെ മത്സ്യവില്പനക്കാരി (49) - പ്രാദേശിക സമ്പർക്കം

4. ശാസ്താംകോട്ട പള്ളിശ്ശേരിക്കൽ സ്വദേശിനിയായ അഞ്ഞിലിമൂട് ചന്തയിലെ മത്സ്യവില്പനക്കാരി (53)- പ്രാദേശിക സമ്പർക്കം

5. കമ്പലടി സ്വദേശിയായ യുവാവ് (29) പ്രാദേശിക സമ്പർക്കം - ഉറവിടം വ്യക്തമല്ല

6. ശാസ്താംകോട്ട പള്ളിശ്ശേരിക്കൽ സ്വദേശിയായ പുരുഷൻ (65) - പ്രാദേശിക സമ്പർക്കം

7. ഈ മാസം ആറിന് റിയാദിൽ നിന്നെത്തിയ ഇളമാട് വേങ്ങൂർ സ്വദേശിയായ യുവാവ് (25)

8. കഴിഞ്ഞമാസം 26ന് ഡൽഹിയിൽ നിന്നെത്തിയ ആദിനാട് വടക്ക് സ്വദേശി (28)

9. ശാസ്താംകോട്ട രാജഗിരി സ്വദേശിനി (61) - പ്രാദേശിക സമ്പർക്കം

10. കഴിഞ്ഞമാസം 22ന് ഷാർജയിൽ നിന്നെത്തിയ മേലില സ്വദേശി (25)

11. ഈ മാസം 25ന് കുവൈറ്റിൽ നിന്നെത്തിയ പൂതക്കുളം ഊന്നിൻമൂട് സ്വദേശി (39)

12. കഴിഞ്ഞമാസം 17ന് മസ്കറ്റിൽ നിന്നെത്തിയ കുണ്ടറ സ്വദേശി (29)

13.ശാസ്താംകോട്ട ആഞ്ഞിലിമൂട് ചന്തയിലെ മത്സ്യ വില്പനക്കാരൻ (30) - പ്രാദേശിക സമ്പർക്കം

14. ശാസ്താംകോട്ട ആഞ്ഞിലിമൂട് ചന്തയിലെ മത്സ്യ വില്പനക്കാരി (37) - പ്രാദേശിക സമ്പർക്കം

15. ഈ മാസം 3ന് ദമാമിൽ നിന്നെത്തിയ ആലപ്പാട് കാക്കത്തുരുത്ത് അഴീക്കൽ സ്വദേശി (50)

16. ഈ മാസം 10ന് ഖത്തറിൽ നിന്നെത്തിയ പെരിനാട് സ്വദേശി (60))

17.ഈ മാസം 10ന് സൗദിയിൽ നിന്നെത്തിയ കരുനാഗപ്പള്ളി സ്വദേശി (50)

18.ഈ മാസം 10ന് ഖത്തറിൽ നിന്നെത്തിയ അഞ്ചൽ അയിലറ സ്വദേശി (29)

 4 മത്സ്യക്കച്ചവടക്കാർ

ശാസ്താംകോട്ട ആഞ്ഞിലിമൂട് ചന്തയിലെ നാല് മത്സ്യക്കച്ചവടക്കാരും ഇന്നലെ രോഗം സ്ഥിരീകരിച്ചവരിൽ ഉൾപ്പെടുന്നു. ജൂലായ് ആറിന് കൊവിഡ് സ്ഥിരീകരിച്ച മത്സ്യവ്യാപാരിയിൽ നിന്നാണോ ഇവർക്ക് കൊവിഡ് ബാധിച്ചതെന്ന് വ്യക്തമല്ല.