കൊല്ലം: കൊവിഡ് മാനദണ്ഡങ്ങൾ പാലിക്കാതെ തുറന്ന് പ്രവർത്തിച്ച ജില്ലയിലെ 12 വ്യാപാര സ്ഥാപനങ്ങൾക്കെതിരെ പൊലീസ് നടപടി സ്വീകരിച്ചു. കൊല്ലം റൂറൽ പൊലീസ് അഞ്ച് സ്ഥാപന ഉടമകൾക്കെതിരെയും സിറ്റി പൊലീസ് 7 സ്ഥാപന ഉടമകൾക്കെതിരെയുമാണ് നടപടിയെടുത്തത്.

ശുചീകരണ സംവിധാനങ്ങൾ ഉറപ്പാക്കാതെയും സാമൂഹ്യ അകലം പാലിക്കാതെയും തുറന്ന് പ്രവർത്തിപ്പിച്ച സ്ഥാപനങ്ങൾക്കെതിരെയായിരുന്നു നടപടി.

മാസ്ക് ധരിക്കാതെ പൊതു ഇടങ്ങളിൽ യാത്ര നടത്തിയ 318 പേർക്കെതിരെ കേസെടുത്ത് പിഴ ഈടാക്കി. കൊല്ലം റൂറൽ പൊലീസ് 89 പേർക്കെതിരെയും സിറ്റി പൊലീസ് 229 പേർക്കെതിരെയുമാണ് നടപടി എടുത്തത്. വിവിധ കൊവിഡ് മാനദണ്ഡങ്ങളുടെ ലംഘനവുമായി ബന്ധപ്പെട്ട് 152 പേർക്കെതിരെ കേസെടുത്ത് പിഴ ഈടാക്കി. ഇവരിൽ 22 പേരെ കൊല്ലം റൂറൽ പൊലീസ് അറസ്റ്റ് ചെയ്തു. 19 വാഹനങ്ങളും റൂറൽ പൊലീസ് പിടിച്ചെടുത്തിട്ടുണ്ട്.