കുണ്ടറ: രണ്ടു ജീവനക്കാരുടെ സ്രവപരിശോധനാഫലം പൊസിറ്റീവായതോടെ കുണ്ടറയിലെ സ്വകാര്യ ആശുപത്രി അടച്ചു. ആശുപത്രിയിലെ ഒരു സെക്യൂരിറ്റി ജീവനക്കാരനും ലാബ് അസിസ്റ്റന്റിനുമാണ് കൊവിഡ് പൊസിറ്റീവാണെന്ന് കണ്ടെത്തിയത്.

പ​ട​പ്പ​ക്ക​ര​യിൽ കൊ​വി​ഡ് സ്ഥി​രീ​ക​രി​ച്ച കു​ടും​ബ​ത്തി​ലെ അം​ഗ​ങ്ങൾ സ്വ​കാ​ര്യ ആ​ശു​പ​ത്രി​യിൽ ചി​കി​ത്സ​യ്​ക്കാ​യി എ​ത്തി​യി​രു​ന്നു. ഇ​തുക​ണ്ടെ​ത്തി​യ ആ​രോ​ഗ്യ​വ​കു​പ്പ് അ​ധി​കൃ​തർ ആ​ശു​പ​ത്രി​യി​ലെ ജീ​വ​ന​ക്കാ​രു​ടെ മു​ഴു​വൻ സ്ര​വം ശേ​ഖ​രി​ച്ച് പ​രി​ശോ​ധ​ന​യ്​ക്ക് അ​യ​ച്ചി​രു​ന്നു. ശ​നി​യാ​ഴ്​ച ഉ​ച്ച​യോ​ടെ പ​രി​ശോ​ധ​നാ​ഫ​ലം ല​ഭി​ച്ച​പ്പോ​ഴാ​ണ് ര​ണ്ടു​പേർ​ക്ക് കൊ​വി​ഡ് പോ​സി​റ്റീ​വാ​ണെ​ന്ന് ക​ണ്ടെ​ത്തി​യ​ത്.

ജി​ല്ലാ മെ​ഡി​ക്കൽ ഓ​ഫീ​സ​റു​ടെ നിർ​ദ്ദേ​ശ​പ്ര​കാ​രം ആ​ശു​പ​ത്രി​യിൽ ചി​കി​ത്സ​യി​ലാ​യി​രു​ന്ന 25​ഓ​ളം രോ​ഗി​ക​ളെ മ​റ്റ് ആ​ശു​പ​ത്രി​ക​ളി​ലേ​ക്ക് മാ​റ്റി. രോ​ഗം സ്ഥി​രീ​ക​രി​ച്ച ജീ​വ​ന​ക്കാ​രെ പാ​രി​പ്പ​ള്ളി മെ​ഡി​ക്കൽ കോ​ള​ജി​ലേ​ക്ക് കൊ​ണ്ടു​പോ​യി. ഇ​വർ​ക്ക് പ​ട​പ്പ​ക്ക​ര​യിൽ നി​ന്ന് ചി​കി​ത്സ​യ്‌ക്കെ​ത്തി​യ​വ​രു​ടെ സ​മ്പർ​ക്ക​ത്തിൽ​ നി​ന്നാ​ണ് രോ​ഗം ബാ​ധി​ച്ച​തെ​ന്നാ​ണ് ക​രു​തു​ന്ന​ത്. ചി​കി​ത്സി​ച്ച ഡോ​ക്ടർ​ക്ക​ട​ക്കം മ​റ്റെ​ല്ലാ​വ​രു​ടെ​യും ഫ​ലം നെ​ഗ​റ്റീ​വാ​ണ്.