ഇ​ര​വി​പു​രം: കാ​റു​കൾ വാടകയ്ക്കെടുത്ത് മ​റി​ച്ചു​വി​റ്റി​രു​ന്ന സം​ഘ​ത്തി​ലെ പ്ര​ധാ​നി​യെ ഇ​ര​വി​പു​രം പൊ​ലീ​സ് അ​റ​സ്റ്റ് ചെ​യ്​തു. തി​രു​വ​ന​ന്ത​പു​രം നേ​മം അ​മ്പ​നാ​ട് ശി​വ​ശൈ​ല​ത്തിൽ ശ​രത്ത് കു​മാറാണ് അ​റ​സ്റ്റി​ലാ​യ​ത്. ഇ​യാ​ളു​ടെ കൂ​ട്ടാ​ളി​യാ​യ കാ​യം​കു​ളം സ്വ​ദേ​ശി​യെ പൊ​ലീ​സ് തെര​ഞ്ഞുവ​രി​ക​യാ​ണ്.

കൊല്ലം അ​യ​ത്തിൽ സ്വ​ദേ​ശി​യാ​യ യു​വാ​വി​ന്റെ കാർ വാ​ട​കയ്​ക്കെ​ടു​ത്ത് ക​ട​ന്ന കേസിൽ അ​ന്വേ​ഷ​ണത്തിനിടെ പ​ത്ത​നാ​പു​രം പൊ​ലീ​സ് സ്റ്റേ​ഷൻ പ​രി​ധി​യിൽ ന​ട​ന്ന ​വധശ്ര​മക്കേ​സു​മാ​യി ബ​ന്ധ​പ്പെ​ട്ട് ശരത്ത് കുമാ‌ർ റി​മാൻഡിൽ ക​ഴി​യു​ന്ന​താ​യി കൊ​ല്ലം എ.സി.പി പ്ര​ദീ​പ് കു​മാ​റി​ന് വി​വ​രം ല​ഭി​ച്ചു. തു​ടർ​ന്ന് ഇ​യാ​ളെ കോ​ട​തി​യിൽ നി​ന്ന് ക​സ്റ്റ​ഡി​യിൽ വാ​ങ്ങി ചോ​ദ്യം ചെ​യ്​ത​പ്പോ​ഴാ​ണ് ത​ട്ടി​പ്പി​ന്റെ ചു​രു​ള​ഴി​ഞ്ഞത്.

ഓൺലൈൻ ആപ്ളിക്കേഷനുകളിൽ കാ​റു​കൾ വാ​ട​കയ്​ക്ക് നൽകുന്നതായുള്ള പ​ര​സ്യം കണ്ട് ഉ​ട​മ​ക​ളെ ഫോ​ണിൽ ബ​ന്ധ​പ്പെ​ടും. വാ​ട​ക ഉ​റ​പ്പി​ച്ച് വീ​ടു​ക​ളി​ലെ​ത്തി ആ​ധാർ കാർ​ഡ് നൽ​കി​ വാ​ഹ​നം കൈ​ക്ക​ലാ​ക്കി ക​ട​ന്നുക​ള​യു​ക​യാ​ണ് രീതി.

അ​യ​ത്തിൽ സ്വ​ദേ​ശി​യു​ടെ കാർ ര​ണ്ടു ദി​വ​സ​ത്തേ​ക്കാ​ണ് വാ​ട​ക​യ്ക്കെ​ടു​ത്തത്. കാർ തി​രി​കെ കൊ​ണ്ടുവ​രാ​തി​രു​ന്ന​പ്പോൾ ഉ​ട​മ ഫോ​ണിൽ ബ​ന്ധപ്പെ​ട്ടു. കാ​റി​ന്റെ കാ​ര്യം മ​റ​ന്നേ​ക്കൂ എ​ന്നാ​യി​രു​ന്നു മ​റു​പ​ടി.

തു​ടർന്നാ​ണ് ഇ​ര​വി​പു​രം പൊ​ലീ​സിൽ പ​രാ​തി നൽ​കി​യ​ത്. ആ​ധാർ കാർ​ഡി​ലെ വി​ലാ​സ​ത്തിൽ ബ​ന്ധ​പ്പെ​ട്ടപ്പോൾ ക​ണ്ടെ​ത്താനായില്ല. വാ​ട​ക കാ​റു​കൾ മ​യ​ക്കു​മ​രു​ന്ന്, സ്വർ​ണക്ക​ട​ത്ത് സം​ഘ​ങ്ങൾ​ക്കാ​ണ് വിറ്റിരുന്നത്. ശ​ര​ത്ത് കു​മാർ പി​ടി​യി​ലാ​യ വി​വ​ര​മ​റി​ഞ്ഞ് കൂ​ട്ടാ​ളി​യാ​യ കാ​യം​കു​ളം സ്വ​ദേ​ശി അ​യ​ത്തിൽ നി​ന്ന് ത​ട്ടി​യെ​ടു​ത്ത കാർ കാ​യം​കു​ള​ത്ത് ഉ​പേ​ക്ഷി​ച്ച് ഒ​ളി​വിൽ പോ​കു​ക​യാ​യി​രു​ന്നു. ഇ​വി​ടെ നി​ന്ന് ഇ​ര​വി​പു​രം പൊ​ലീ​സ് കാർ ക​ണ്ടെ​ത്തി.

സംസ്ഥാനത്തിന്റെ വി​വി​ധ ഭാ​ഗ​ങ്ങ​ളിൽ സമാനരീതിയിൽ ത​ട്ടി​പ്പ് ന​ട​ത്തിയി​ട്ടു​ള്ള​താ​യാണ് വി​വ​രം. കാ​റു​കൾ ത​ട്ടി​യെ​ടുത്ത് ചെ​ന്നൈ​യി​ലേ​ക്ക് ക​ട​ക്കു​ക​യാ​ണ് പതിവ്. തി​രു​വല്ല കേ​ന്ദ്രീ​ക​രി​ച്ച് ഇ​ത്ത​ര​ത്തി​ലു​ള്ള സം​ഘ​ങ്ങൾ പ്ര​വർ​ത്തിക്കുന്നതാ​യും പൊ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്. ശ​ര​ത്ത് കു​മാ​റി​ന്റെ കൂ​ട്ടാ​ളി ഉ​ടൻ പി​ടി​യി​ലാ​കു​മെ​ന്ന് പൊ​ലീ​സ് പ​റ​ഞ്ഞു. കൊ​ല​ക്കേ​സ് ഉൾ​പ്പെ​ടെ​ നി​ര​വ​ധി ക്രി​മി​നൽ കേ​സു​ക​ളി​ലെ പ്ര​തി​യാ​ണ് ശ​ര​ത്ത് കു​മാ​ർ.

ഇ​ര​വി​പു​രം എ​സ്.എ​ച്ച്.ഒ കെ. വി​നോ​ദ്, എ​സ്.ഐമാ​രാ​യ എ.പി. അ​നീ​ഷ്, ബി​നോ​ദ് കു​മാർ, ദീ​പു, ഗ്രേ​ഡ് എ.എ​സ്.ഐ ആന്റ​ണി, സി.പി.ഒ​മാ​രാ​യ സാ​ബി​ത്ത്, വി​നു വി​ജ​യ് എ​ന്നി​വ​ര​ട​ങ്ങി​യ സം​ഘ​മാ​ണ് അ​ന്വേ​ഷ​ണം ന​ട​ത്തുന്നത്.