കു​ണ്ട​റ: കു​ണ്ട​റ​യി​ലെ വിവിധ ഗ്രാ​മ​പ​ഞ്ചാ​യ​ത്തു​ക​ളിൽ ഫ​സ്റ്റ്ലൈൻ കൊ​വി​ഡ് കെ​യർ സെന്റ​റു​കൾ സജ്ജമാകുന്നു. ജി​ല്ലാ ഭ​ര​ണ​കൂ​ട​ത്തി​ന്റെ നിർ​ദ്ദേ​ശ​മ​നു​സ​രി​ച്ചാ​ണ് സെന്റ​റു​കൾ ഒരുക്കുന്നത്. ഇ​ള​മ്പ​ള്ളൂർ ഗ്രാ​മ​പ​ഞ്ചാ​യ​ത്തി​ന്റെ നേതൃത്വത്തിൽ ഗു​രു​ദേ​വാ ആ​ഡി​റ്റോ​റി​യ​ത്തിൽ സജ്ജമാക്കിയ കേന്ദ്രം മന്ത്രി ജെ. മേഴ്സിക്കുട്ടിഅമ്മ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ജ​ല​ജാ ഗോ​പൻ അ​ദ്ധ്യ​ക്ഷ​ത വ​ഹി​ച്ചു. ഗി​രീ​ഷ് കു​മാർ, ഷൈ​ലാ മ​ധു, സു​ജാ​താ മോ​ഹൻ, ഷ​ഫീ​ക്ക് തു​ട​ങ്ങി​യ​വർ പ​ങ്കെ​ടു​ത്തു. പെ​രു​മ്പു​ഴ അ​മ്പാ​ടി ഓ​ഡി​റ്റോ​റിയം,​ ഇ​ള​മ്പ​ള്ളൂർ കമ്മ്യൂണി​റ്റി ഹാ​ൾ എന്നിവിടങ്ങളിലും നൂ​റ് കി​ട​ക്ക​കളോടെ ഇ​ള​മ്പ​ള്ളൂർ ഗ്രാ​മ​പ​ഞ്ചാ​യ​ത്ത് ഫസ്റ്റ്ലൈൻ ട്രീറ്റ്മെന്റ് സെന്ററുകൾ സ്ഥാപിക്കും.

കു​ണ്ട​റ ഗ്രാ​മ​പ​ഞ്ചാ​യ​ത്തിൽ ആഡി​റ്റോ​റി​യ​ങ്ങ​ളും സ്​കൂൾ കെ​ട്ടി​ട​ങ്ങ​ളു​മുൾ​പ്പെ​ടെ അ​ഞ്ച് കെ​ട്ടി​ട​ങ്ങ​ളാ​ണ് പ​രി​ഗ​ണ​ന​യി​ലു​ള്ള​ത്. പേ​ര​യം ഗ്രാ​മ​പ​ഞ്ചാ​യ​ത്തിൽ കു​മ്പ​ളം സെന്റ് ജോ​സ​ഫ് ഇന്റർ​നാഷ​ണൽ സ്​കൂൾ ഹോ​സ്റ്റൽ കെ​ട്ടി​ട​ത്തിൽ കേന്ദ്രം ആരംഭിക്കാനാണ് തീരുമാനം. മു​ള​വ​ന​യി​ലെ ആ​ഡി​റ്റോ​റി​യ​വും സ്​കൂൾ, കോ​ള​ജ് കെ​ട്ടി​ട​ങ്ങ​ളും പ​രി​ഗ​ണ​ന​യി​ലു​ണ്ട്.

കി​ഴ​ക്കേക​ല്ല​ട ഗ്രാ​മ​പ​ഞ്ചാ​യ​ത്തിൽ ചി​റ്റു​മ​ല സെന്റ് ജോ​സ​ഫ് സ്​കൂളിൽ കേന്ദ്രം സജ്ജമാക്കി. 50 കി​ട​ക്ക​ക​ളാ​ണ് ഇവിടെ ഒരുക്കുക. സി.വി.കെ.എം ഹ​യർ സെ​ക്കൻഡറി സ്​കൂൾ, ചി​റ്റു​മ​ല ദുർ​ഗാ ഓ​ഡി​റ്റോ​റി​യം, സി​നി ഓ​ഡി​റ്റോ​റി​യം, ഉ​പ്പൂ​ട് എം.എം.എ​ച്ച്.എ​സ്.എ​സ് എ​ന്നി​വയും പ​രി​ഗ​ണ​ന​യി​ലു​ണ്ട്.
മൺ​റോ​ത്തു​രു​ത്ത് ഗ്രാ​മ​പ​ഞ്ചാ​ത്തിൽ കേന്ദ്രം സജ്ജമാക്കുന്നതിന് മു​ള​ച്ച​ന്ത​റ ക്ഷേ​ത്രം ഓ​ഡി​റ്റോ​റി​യ​മാ​ണ് പ​രി​ഗ​ണ​ന​യി​ലു​ള്ള​ത്. ഇ​വി​ടെ 80​ഓ​ളം കി​ട​ക്ക​കൾ സ​ജ്ജീ​ക​രി​ക്കും. പെ​രി​നാ​ട് ഗ്രാ​മ​പ​ഞ്ചാ​യ​ത്തിലെ കേന്ദ്രം ച​ന്ദ​ന​ത്തോ​പ്പ് ഐ.ടി.ഐ വ​ള​പ്പി​ലെ പു​തി​യ അ​ഡ്​മി​നി​സ്‌​ട്രേ​ഷൻ ബ്ലോ​ക്കിൽ ആ​രം​ഭി​ക്കും. നെ​ടു​മ്പ​ന ഗ്രാ​മ​പ​ഞ്ചാ​യ​ത്തിൽ വെ​ളി​ച്ചി​ക്കാ​ല​യി​ലെ പ​ഴ​യ ടി.ബി ആ​ശു​പ​ത്രി​യിൽ 75 കി​ട​ക്ക​ക​ളു​മാ​യി സെന്റർ ഉ​ടൻ ആ​രം​ഭി​ക്കും.