കാഞ്ഞാണി: റീ ബിൽഡ് കേരള പദ്ധതിയിൽ ഉൾപ്പെടുത്തി മണ്ണ് സംരക്ഷണ വകുപ്പിന്റെ നേതൃത്വത്തിൽ നാട്ടിക മണ്ഡലത്തിൽ

3.98 കോടി രൂപ കൃഷി മന്ത്രി വി.എസ്. സുനിൽകുമാർ സംസ്ഥാന സർക്കാരിനു വേണ്ടി അനുവദിച്ചതായി ഗീത ഗോപി എം.എൽ.എ വാർത്ത സമ്മേളനത്തിൽ അറിയിച്ചു. ഫണ്ട് അനുവദിച്ച വിവിധ പദ്ധതികളുടെ ഉദ്ഘാടനം മൂന്നിന് രാവിലെ 9.30ന് കാഞ്ഞിരച്ചോട് വച്ച് നിർവ്വഹിക്കും. ബ്ലോക്ക് പഞ്ചായത്ത് പ്രസിഡന്റ് പി.സി. ശ്രീദേവി, താന്ന്യം പഞ്ചായത്ത് പ്രസിഡന്റ് വി.ഐ. അബുബക്കർ, ജില്ലാ മണ്ണ് സംരക്ഷണ ഓഫീസർ പി.ഡി. സിന്ധു എന്നിവരും വാർത്താ സമ്മേളനത്തിൽ പങ്കെടുത്തു.

പദ്ധതികളും ഫണ്ട് വിഹിതവും

താന്ന്യം പഞ്ചായത്തിലെ ശ്രീരാമൻചിറ തോട്, കണ്ണൻചിറ ബണ്ട് തോട് 3.54 കി.മീ തോട് ആഴം കൂട്ടാനും കയർ ഭൂവസ്ത്രം വിരിയ്ക്കാനുമായി 1.26 കോടി. അന്തിക്കാട് പഞ്ചായത്തിൽ കുറ്റിപ്പുര കനാൽ 1700 മീറ്റർ 90.97 ലക്ഷം, വാർഡ് 4,5,6 പരപ്പൻചാൽ ബണ്ട് 1384 മീറ്റർ 34.69 ലക്ഷം. ചാഴൂർ പഞ്ചായത്തിൽ എരട്ടപ്പാലം പറവൻചാൽ തോട് 475 മീ ആഴം കൂട്ടൽ, കയർ ഭൂവസ്ത്രം വിരിക്കൽ, പാർശ്വഭിത്തി സംരക്ഷണം 22.09 ലക്ഷം, 17-ാം നമ്പർചാൽ 2.22 കിലോമിറ്റർ ആഴം കൂട്ടലും കയർ ഭൂവസ്ത്രം വിരിക്കലും 69.73 ലക്ഷം, മൂടച്ചാൽ തോട് കയർ ഭൂവസ്ത്രം വിരിക്കൽ 2.16 കി.മി 54.17 ലക്ഷം രൂപ.