പെരിങ്ങോട്ടുകര: താന്ന്യത്ത് യുവാവിനെ പട്ടാപ്പകൽ റോഡിലിട്ട് വെട്ടിക്കൊന്ന കേസിലെ പ്രതികളായ ഒമ്പത് പേരെ പൊലീസിന്റെ പ്രത്യേക അന്വേഷണ സംഘം അറസ്റ്റ് ചെയ്തു. മുറ്റിച്ചൂർ അയ്യപ്പൻ കാവ് ക്ഷേത്രത്തിന് സമീപം പെരിങ്ങാട്ട് വീട്ടിൽ ഹിരത്ത് എന്ന മനു (23), പടിയം കൂട്ടാല വീട്ടിൽ നിജിൽ എന്ന കുഞ്ഞാപ്പു (27), കണ്ടശ്ശാങ്കടവ് താണിക്കൽ വീട്ടിൽ ഷനിൽ (23), ചാവക്കാട് പൊലീസ് ക്വാർട്ടേഴ്‌സ് ഇത്തിപറമ്പിൽ വീട്ടിൽ പ്രജിൽ (24), മുറ്റിച്ചൂർ ചക്കാണ്ടി ഷിബിൻ (21), മുറ്റിച്ചൂർ കൂട്ടാല നിമേഷ് (22), കൂട്ടാല വീട്ടിൽ നിതിൻ എന്ന അപ്പു (27), കോക്കാൻ മുക്ക് വാലപ്പറമ്പിൽ ബ്രഷ്‌നേവ് (21), മുറ്റിച്ചൂർ പണിക്കവീട്ടിൽ ഷിഹാബ് (23) എന്നിവരാണ് പിടിയിലായത്.
ഗുണ്ടാപ്പകയാണ് ആക്രമത്തിന് കാരണമെന്ന് പൊലീസ് പറഞ്ഞു.

സംഭവത്തിന് ശേഷം പ്രതികൾക്ക് ആവശ്യമായ സഹായം ഒരുക്കികൊടുത്തവരും കുടുങ്ങുമെന്ന് ഡി.ഐ.ജി എസ്. സുരേന്ദ്രൻ, എസ്.പി വിശ്വനാഥ്, ഡി.വൈ.എസ്.പി ഫേമസ് വർഗ്ഗീസ് എന്നിവർ പറഞ്ഞു.

നാലു പ്രതികൾ ഒരു കുടുംബത്തിലെ അംഗങ്ങളാണ്. ജൂലായ് രണ്ടിന് രാവിലെ പത്തോടെയാണ് വെള്ളിയാഴ്ച ചന്തയുടെ വടക്കുഭാഗത്ത് താമസിക്കുന്ന ആദർശ് വെട്ടേറ്റു മരിച്ചത്.