ഗുരുവായൂർ: "കേരളത്തിലെ തിരുപ്പതി" എന്നറിയപ്പെടുന്ന ഗരുവായൂർ തിരുവെങ്കിടാചലപതി ക്ഷേത്രത്തിൽ നവീകരിച്ച വെങ്കിടാചലപതിയുടെ ശ്രീകോവിലിന് കുംഭാഭിഷേകം നടത്തി. ക്ഷേത്രം തന്ത്രി ചേന്നാസ് ശ്രീകാന്ത് നമ്പൂതിരിപ്പാടിന്റെ മുഖ്യകാർമ്മികത്വത്തിൽ ഒരുക്കിയ അഭിഷേക ചടങ്ങുകൾക്ക് തോട്ടപ്പുറം കണ്ണൻ നമ്പൂതിരി, കാരക്കാട് നാരായണൻ നമ്പൂതിരി, മുന്നൂലം സുബ്രമണ്യൻ നമ്പൂതിരി, പൊട്ടക്കുഴി കൃഷ്ണൻ നമ്പൂതിരി എന്നിവർ സഹകാർമ്മികരായി. വാദ്യ താളമേളങ്ങളുടെ അകമ്പടിയോടെയായിരുന്നു കുംഭാഭിഷേകം. പരിപാടികൾക്ക് ക്ഷേത്രം ഊരാളൻ മല്ലിശ്ശേരി പരമേശ്വരൻ നമ്പൂതിരിപ്പാട്, ക്ഷേത്രസമിതി ഭാരവാഹികളായ ശശി വാറണാട്ട്, പ്രഭാകരൻ മണ്ണൂർ, ശിവൻ കണിച്ചാടത്ത്, ബാലൻ വാറണാട്ട്, സേതു തിരുവെങ്കിടം, എ. വിനോദ് കുമാർ, ഹരി കൂടത്തിങ്കൽ, ടി.കെ. അനന്തകൃഷ്ണൻ, പി. ഹരിനാരായണൻ, പി. രാഘവൻ നായർ, വിജയകുമാർ അകമ്പടി എന്നിവർ നേതൃത്വം നൽകി.