തൃശൂർ: കുന്നംകുളം നഗരസഭയിൽ രോഗപ്രതിരോധം ഊർജിതമാക്കുന്നതിന്റെ ഭാഗമായി എട്ട് ഡിവിഷനുകളെ കണ്ടെയ്ൻമെന്റ് സോണുകളാക്കി ജില്ലാ കളക്ടർ ഉത്തരവിട്ടു. നഗരസഭയിലെ ഏഴ്, 10, 11, 15, 17, 19, 25, 26 എന്നീ ഡിവിഷനുകളെയാണ് കണ്ടെയ്ൻമെന്റ് സോണുകളാക്കിയത്. ജൂലായ് ഒന്നിന് കണ്ടെയ്ൻമെന്റ് സോണാക്കിയ ശ്രീനാരായണപുരം പഞ്ചായത്തിലെ ഏഴ്, എട്ട്, 11, 12 എന്നീ നാല് വാർഡുകളിലും ചാലക്കുടി നഗരസഭയിലെ 16, 19, 21, 30, 31, 35, 36 എന്നീ ഏഴ് ഡിവിഷനുകളിലും ജൂൺ 24, 26, ജൂലായ് ഒന്ന് തീയതികളിൽ കണ്ടെയ്ൻമെന്റ് സോണാക്കിയ തൃശൂർ കോർപറേഷനിലെ 35, 49, 51 എന്നീ മൂന്ന് ഡിവിഷനുകളിലും നിയന്ത്രണം തുടരും. കോർപറേഷനിലെ 39ാം ഡിവിഷനെ കണ്ടെയ്ൻമെന്റ് സോൺ നിയന്ത്രണത്തിൽ നിന്ന് ഒഴിവാക്കി.