ഒരാൾ ബി.എസ്.എഫുകാരൻ

തൃശൂർ: ജില്ലയിൽ 14 പേർക്ക് കൂടി കൊവിഡ് സ്ഥിരീകരിച്ചു. 16 പേർ രോഗമുക്തരായി. 12 പേർ വിദേശത്ത് നിന്നും രണ്ട് പേർ ഇതരസംസ്ഥാനങ്ങളിൽ നിന്നും വന്നവരാണ്. രോഗം സ്ഥിരീകരിച്ച 188 പേർ ജില്ലയിലെ ആശുപത്രികളിൽ ചികിത്സയിൽ കഴിയുമ്പോൾ തൃശൂർ സ്വദേശികളായ ആറ് പേർ മറ്റു ജില്ലകളിൽ ചികിത്സയിൽ കഴിയുന്നുണ്ട്. നിരീക്ഷണത്തിൽ കഴിയുന്ന 17,​393 പേരിൽ 17,​171 പേർ വീടുകളിലും 222 പേർ ആശുപത്രികളിലുമാണ്. സമ്പർക്ക പട്ടികയിലുണ്ടായിരുന്ന 9 ബി.എസ്.എഫ് ജീവനക്കാരെ ഗുരുവായൂർ കൗസ്തുഭത്തിലേക്ക് ക്വാറന്റൈനിലേക്ക് മാറ്റി.

രോഗം സ്ഥിരീകരിച്ചവർ ഇവർ

ഖത്തറിൽ നിന്ന് വന്ന പൂമംഗലം സ്വദേശി (35), ദുബായിൽ നിന്ന് വന്ന പുതുക്കാട് സ്വദേശി (29), ഖത്തറിൽ നിന്ന് വന്ന പാലിയേക്കര സ്വദേശി (29), ഉക്രെയിനിൽ നിന്ന് വന്ന ആനന്ദപുരം സ്വദേശി (20), അബുദാബിയിൽ നിന്ന് വന്ന കാട്ടൂർ സ്വദേശി (35), കുവൈറ്റിൽ നിന്ന് വന്ന എടക്കുളം സ്വദേശി (36), രാജസ്ഥാനിൽ നിന്ന് വന്ന ബി.എസ്.എഫ് ജവാൻ (54), ജൂൺ 24 ന് കുവൈറ്റിൽ നിന്ന് വന്ന മങ്ങാട്ടുകര സ്വദേശി (41), ദമാമിൽ നിന്ന് വന്ന കോലഴി സ്വദേശി (28), റിയാദിൽ നിന്ന് വന്ന മുക്കാട്ടുകര സ്വദേശി (35), മുംബയിൽ നിന്ന് വന്ന കുന്നംകുളം സ്വദേശി (13), ഖത്തറിൽ നിന്ന് വന്ന മേത്തല സ്വദേശി (44), ജിദ്ദയിൽ നിന്ന് വന്ന പുന്നയൂർ സ്വദേശി (42), മസ്‌ക്കറ്റിൽ നിന്ന് വന്ന ചാലക്കുടി സ്വദേശി (61) എന്നിവർക്കാണ് രോഗം സ്ഥിരീകരിച്ചത്.

കൊവിഡ് ജില്ലയിൽ

ആശുപത്രിയിൽ പ്രവേശിപ്പിച്ചത് 23 പേർ

ഡിസ്ചാർജ് ചെയ്തത് 18 പേർ

പുതുതായി നിരീക്ഷണത്തിൽ 1420 പേർ

ഒഴിവാക്കിയത് 2,​335 പേർ

ഇന്നലെ പരിശോധനയ്ക്ക് അയച്ചത് 667 സാമ്പിൾ

ആകെ അയച്ചത് 12,​666

ഫലം ലഭിക്കാനുള്ളത് 1,​016