ഗുരുവായൂർ: വിദ്യാർത്ഥികൾക്ക് ഓൺലൈൻ പഠനത്തിന് സഹായമൊരുക്കി ശിഹാബ് തങ്ങൾ റിലീഫ് സെൽ. ശിഹാബ് തങ്ങൾ റിലീഫ് സെൽ ഗുരുവായൂർ നഗരസഭാ കമ്മിറ്റി നൽകുന്ന ലാപ്ടോപ്പ്, ടെലിവിഷൻ, സ്മാർട്ട് ഫോണുകളുടെ വിതരണം മുസ്ലിം ലീഗ് ഗുരൂവായൂർ മണ്ഡലം പ്രസിഡന്റ് ആർ.വി. അബ്ദുറഹീം മുസ്ലിം ലീഗ് നഗരസഭാ കമ്മിറ്റിക്ക് കൈമാറി ഉദ്ഘാടനം ചെയ്തു. ആർ.വി. മുഹമ്മദ് ഹാജി അദ്ധ്യക്ഷനായി. അർബൻ ബാങ്ക് വൈസ് ചെയർമാൻ ആർ.എ. അബൂബക്കർ, നഗരസഭാ കൗൺസിലർ റഷീദ് കുന്നിക്കൽ. ലീഗ് നഗരസഭാ കമ്മിറ്റി പ്രസിഡന്റ് അബ്ദുൽ ജലീൽ, എം. അബ്ദുള്ള, റംഷാദ്, സഹദ് എന്നിവർ സംസാരിച്ചു.