തൃശൂർ: ഗവ. മെഡിക്കൽ കോളേജിൽ ഈ മാസം അഞ്ചിന് മരിച്ച വീട്ടമ്മയ്ക്ക് കൊവിഡ് സ്ഥിരീകരിച്ച സാഹചര്യത്തിൽ മരണാനന്തര ചടങ്ങിൽ പങ്കെടുത്തവർ ഉൾപ്പെടെ 68 പേരും മൃതദേഹ പരിശോധന നടത്തിയ അന്തിക്കാട് സ്റ്റേഷനിലെ മൂന്ന് പൊലീസ് ഉദ്യോഗസ്ഥരും നിരീക്ഷണത്തിൽ. അരിമ്പൂർ കുന്നത്തങ്ങാടി വടക്കേപുരയ്ക്കൽ വത്സലയുടെ (63) മൃതദേഹം പോസ്റ്റുമോർട്ടം നടത്തിയ ഡോക്ടർമാരടക്കം 10 പേർ ജൂലായ് 21 വരെ ക്വാറന്റൈനിൽ തുടരണമെന്ന് തൃശൂർ മെഡിക്കൽ ബോർഡ് നേരത്തെ നിർദ്ദേശിച്ചിരുന്നു.