തൃശൂർ: നഗരസഭാ ജീവനക്കാർ ഉൾപ്പെടെ നഗരസഭാ പ്രദേശത്ത് കൊവിഡ് രോഗം സ്ഥിരീകരിച്ചതോടെ നഗരസഭ അടച്ചു. നഗരസഭാ കൗൺസിൽ യോഗം നടന്നുകൊണ്ടിരിക്കെയാണ് പുതിയ കൊവിഡ് സ്ഥിരീകരണ വിവരങ്ങൾ പുറത്തുവന്നത്. ഇതോടെ യോഗം പെട്ടെന്ന് അവസാനിപ്പിക്കുകയായിരുന്നു. തുടർന്ന് എല്ലാ ജീവനക്കാരോടും ജോലി നിറുത്താനും വീട്ടിലേക്കു പോകാനും ചെയർപേഴ്‌സൻ സീത രവീന്ദ്രൻ നിർദേശം നൽകി. തുടർന്ന് നഗരസഭാ ഓഫീസ്, അനുബന്ധ ഓഫീസുകൾ, കാന്റീൻ എന്നിവ അടച്ചു പൂട്ടി. നഗരത്തിലെ ചില കച്ചവട സ്ഥാപനങ്ങളും നേരത്തെ തന്നെ അടച്ചിരുന്നു.