തൃശൂർ: ഗവ. മെഡിക്കൽ കോളേജ് നെഞ്ചുരോഗാശുപത്രിയിൽ പുതിയ കൊവിഡ് ബ്ലോക്ക് ഇന്ന് തുറക്കും. അനിൽ അക്കര എം.എൽ.എയുടെ ആസ്തി വികസന ഫണ്ടിൽ നിന്ന് 50 ലക്ഷം രൂപ ചെലവിൽ ക്രമീകരിച്ച നാല് വാർഡുകളുടെ ഉദ്ഘാടനം ഉച്ചയ്ക്ക് 12ന് രമ്യ ഹരിദാസ് എം.പി ഓൺലൈനിലൂടെ നിർവഹിക്കും. എം.എൽ.എ ആസ്തി വികസന ഫണ്ട് ഉപയോഗിച്ച് സജ്ജീകരിക്കുന്ന സംസ്ഥാനത്തെ അദ്യത്തെ കൊവിഡ് ബ്ലോക്കാണ് തൃശൂർ മെഡിക്കൽ കോളേജിലേത്. 150 കിടക്കകളും അനുബന്ധ സൗകര്യങ്ങളുമുള്ള പുതിയ നാല് വാർഡുകളാണ് സജ്ജീകരിച്ചിരിക്കുന്നത്.