തൃശൂർ : താന്ന്യം പഞ്ചായത്ത് പ്രസിഡന്റിന് കൊവിഡ് 19 സ്ഥിരീകരിച്ചതിനെ തുടർന്ന് പഞ്ചായത്തിലെ 100 പേർക്ക് ആന്റിജൻ ടെസ്റ്റ് നടത്തി. തൃപ്രയാർ കമ്മ്യൂണിറ്റി ഹെൽത്ത് സെന്ററിലായിരുന്നു പരിശോധന. ജനപ്രതിനിധികൾ ഉൾപ്പെടെ അഞ്ച് പേർക്ക് കൊവിഡ് സ്ഥിരീകരിച്ച താന്ന്യം പഞ്ചായത്തിലെ മുഴുവൻ വാർഡുകളും(18 വാർഡ്) കണ്ടെയ്ൻമെന്റ് സോണാക്കുകയും തുടർന്ന് ഓഫീസ് പ്രവർത്തനം നിറുത്തിവയ്ക്കുകയും ചെയ്തിരുന്നു.