മുടപുരം: ചിറയിൻകീഴ് ബ്ലോക്ക് പഞ്ചായത്ത് അനുവദിച്ച ആറ് ലക്ഷം രൂപ ചെലവഴിച്ച് മുടപുരം ഗവ. യു.പി സ്കൂളിൽ നിർമ്മിച്ച സ്മാർട്ട് ക്ലാസ് റൂമുകളുടെ ഉദ്‌ഘാടനം ബ്ലോക്ക് പഞ്ചായത്ത് പ്രസിഡന്റ് ആർ. സുഭാഷ് നിർവഹിച്ചു. ബ്ലോക്ക് പഞ്ചായത്ത് മെമ്പർ എസ്. ചന്ദ്രൻ അദ്ധ്യക്ഷത വഹിച്ച യോഗത്തിൽ കിഴുവിലം പഞ്ചായത്ത് പ്രസിഡന്റ് എ. അൻസാർ, കിഴുവിലം പഞ്ചായത്ത് വൈസ് പ്രസിഡന്റ് താരാ തങ്കൻ, ഹെഡ്മിസ്ട്രസ് കെ.എസ്. വിജയകുമാരി, പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എ.എസ്. ശ്രീകണ്ഠൻ, മുട്ടപ്പലം സർവീസ് സഹകരണ ബാങ്ക് പ്രസിഡന്റ് എസ്.വി. അനിലാൽ, ജനകീയ കൂട്ടായ്മ പ്രസിഡന്റ് ബി.എസ്. സജിതൻ, എസ്.എം.സി ഭരണ സമിതി അംഗം ഡി. ബാബുരാജ് എന്നിവർ സംസാരിച്ചു. പഞ്ചായത്ത് മെമ്പർ സി. ലിപിമോൾ സ്വാഗതവും എസ്.ആർ.ജി കൺവീനർ ഹിമ ആർ. നായർ നന്ദിയും പറഞ്ഞു.