തിരുവനന്തപുരം: വനിതാ ശിശു വികസന വകുപ്പിന്റെ ചിൽഡ്രൻസ് ഹോമുകളിലെ കുട്ടികൾക്ക് എസ്.എസ്.എൽ.സി പരീക്ഷയിൽ മികച്ച വിജയം. 14 ചിൽഡ്രൻസ് ഹോമുകളിൽ നിന്നായി പരീക്ഷ എഴുതിയ 70 കുട്ടികളിൽ 68 പേരും ഉപരിപഠനത്തിന് അർഹത നേടി. പ്രതികൂല സാഹചര്യത്തിലും എഡ്യൂക്കേ​റ്റർ, ട്യൂഷൻ അദ്ധ്യാപകർ എന്നിവരുടെ സഹായത്തോടെയാണ് ഈ നേട്ടം കൈവരിച്ചതെന്ന് കുട്ടികളെ അഭിനന്ദിച്ചുകൊണ്ട് മന്ത്റി കെ.കെ. ശൈലജ പറഞ്ഞു. സ്മാർട്ട് ക്ലാസ് റൂം, പഠനമുറി, ലൈബ്രറി എന്നിവ ചിൽഡ്രൻസ് ഹോമുകളിൽ ഒരുക്കിയിട്ടുണ്ടെന്നും മന്ത്റി വ്യക്തമാക്കി.