കല്ലമ്പലം: വധശ്രമ കേസിലെ പ്രതി പിടിയിലായി. ചെമ്മരുതി മുത്താന കൊച്ചാരംപൊയ്ക കോളനി ചരുവിള വീട്ടിൽ തുളസി (54) ആണ് പിടിയിലായത്. പ്രദേശവാസിയായ കണ്ണന്റെ തലയ്ക്കും മുഖത്തും കൊടുവാൾ കൊണ്ട് ഗുരുതരമായി വെട്ടി കൊലപ്പെടുത്താൻ ശ്രമിച്ച സംഭവത്തിലാണ് അറസ്റ്റ്. കല്ലമ്പലം ഐ.എസ്.എച്ച്.ഒ ഫിറോസിന്റെ നേതൃത്വത്തിൽ എസ്.ഐ അനിൽ ആർ.എസ്, എ.എസ്.ഐ ഷാജി.ഡി എന്നിവരടങ്ങുന്ന പൊലീസ് സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.