തിരുവനന്തപുരം: കേരള കോൺഗ്രസ് ജോസ് കെ.മാണി വിഭാഗത്തെ പുറത്താക്കിയതല്ല, മുന്നണി യോഗങ്ങളിൽ നിന്ന് മാറ്റി നിറുത്തിയതാണെന്ന് വിശദീകരിച്ച് യു.ഡി.എഫ് നേതൃത്വത്തിന്റെ കരണം മറിച്ചിൽ. പുറത്താക്കുന്നതായി പ്രഖ്യാപിച്ച തീരുമാനം അംഗീകരിച്ച അതേ മുന്നണിയോഗമാണ് പിന്നീട് നിലപാടു മാറ്റിയത്.

പുറത്താക്കിയതിനെതിരെ ജോസ് നടത്തുന്ന വൈകാരിക പ്രചാരണങ്ങളുടെ കൂടി പശ്ചാത്തലത്തിലാണ് നേതൃത്വത്തിന്റെ വീണ്ടുവിചാരം. മുന്നണി നേതൃതലത്തിലുണ്ടാക്കിയ ധാരണപ്രകാരം, ജില്ലാ പഞ്ചായത്ത് പ്രസിഡന്റ് സ്ഥാനം രാജിവച്ചു വന്നാൽ വീണ്ടും അവരെ ഉൾക്കൊള്ളാമെന്ന് ഇന്നലെ വീഡിയോ കോൺഫറൻസ് വഴി ചേർന്ന യു.ഡി.എഫ് യോഗത്തിൽ എല്ലാവരും നിർദ്ദേശിച്ചു. ധാരണ പാലിക്കണമെന്നല്ലാതെ, ജോസ് വിഭാഗം പുറത്താകണമെന്ന വാശിയൊന്നും തങ്ങൾക്കില്ലെന്ന് പി.ജെ. ജോസഫും മോൻസ് ജോസഫും യോഗത്തിൽ നിലപാട് വ്യക്തമാക്കി.

ജോസ് പക്ഷത്തിന് 'തെറ്റ്' തിരുത്താൻ അവസരം നൽകുന്നതിനായി കോട്ടയം ജില്ലാപഞ്ചായത്തിൽ അവിശ്വാസപ്രമേയം കൊണ്ടുവരുന്നത് തത്കാലമുണ്ടാവില്ല. അതേസമയം, ജോസ് പക്ഷത്തോട് അങ്ങോട്ട് പോയി ചർച്ചയില്ല.

ജോസ് കെ.മാണി വിഭാഗത്തെ മുന്നണിയിൽ നിന്ന് പുറത്താക്കിയിട്ടില്ലെന്നും അവരെ യു.ഡി.എഫ് യോഗങ്ങളിൽ പങ്കെടുപ്പിക്കേണ്ടെന്നുമാണ് തീരുമാനിച്ചതെന്നും മുന്നണിയോഗ തീരുമാനങ്ങൾ വാർത്താസമ്മേളനത്തിൽ വിശദീകരിച്ച പ്രതിപക്ഷനേതാവ് രമേശ് ചെന്നിത്തല പറഞ്ഞു.

മാദ്ധ്യമങ്ങൾ അത് വളച്ചൊടിച്ചതാണ്. മൂന്ന് മാസത്തെ മാത്രം കാലാവധിയുള്ള ഒരു സ്ഥാനത്തേക്ക് നാല് മാസം ചർച്ച നടത്തിയിട്ടും തീരുമാനമുണ്ടാക്കാനാകില്ലെങ്കിൽ മുന്നണിക്ക് തിരിച്ചടിയാകും. അതിനാലാണ് ഇങ്ങനെയൊരു തീരുമാനമെടുത്തത്. കേരള കോൺഗ്രസ് യു.ഡി.എഫിന്റെ അവിഭാജ്യ ഘടകമാണ്. അവർക്ക് തീരുമാനം തിരുത്തി മടങ്ങിവരാം.

രണ്ട് കൂട്ടരെയും ഒന്നിച്ച് കൊണ്ടുപോകാനാണ് ശ്രമിച്ചത്. കോട്ടയം ജില്ലാ പഞ്ചായത്ത് പ്രസിഡന്റ് സ്ഥാനക്കാര്യത്തിൽ രാത്രി വൈകുവോളം കന്റോൺമെന്റ്ഹൗസിൽ ചർച്ച നടത്തിയാണ് അതിരാവിലെ തീരുമാനം പ്രഖ്യാപിച്ചത്. ജോസ് പക്ഷത്തിന് അംഗങ്ങൾ കൂടുതലായതിനാൽ ആദ്യ അവസരം അവർക്ക് നൽകി. എട്ട് മാസം അവർക്കും ആറ് മാസം ജോസഫിനുമെന്ന ധാരണ അംഗീകരിച്ചു. എന്നാൽ എട്ട് മാസം കഴിഞ്ഞിട്ടും രാജിയുണ്ടായില്ല.

യു.ഡി.എഫ് നേതൃത്വം മുൻകൈയെടുത്തുണ്ടാക്കിയ ധാരണ ഇല്ലെന്ന് അവർ പറഞ്ഞതിനാലാണ്, എങ്കിൽ മുന്നണി യോഗത്തിലേക്ക് വിളിക്കേണ്ടെന്ന് തീരുമാനിച്ചത്. അച്ചടക്കവും യോജിപ്പുമില്ലാതെ മുന്നോട്ട് പോകാൻ ഒരു മുന്നണിക്കുമാകില്ല. അതിനാലാണ് വിഷമിച്ചാണെങ്കിലും ഇങ്ങനെയൊരു തീരുമാനത്തിന് നിർബന്ധിതരായത്.

'ജോസ് പക്ഷത്തെ യു.ഡി.എഫ് യോഗങ്ങളിൽ പങ്കെടുപ്പിക്കേണ്ടെന്ന് തീമുമാനിച്ചതിനെ മാദ്ധ്യമങ്ങൾ വളച്ചൊടിച്ച് പുറത്താക്കൽ എന്നാക്കി"

- രമേശ് ചെന്നിത്തല

നി​ല​പാ​ടി​ൽ​ ​മാ​റ്റ​മി​ല്ല​:​ ​ജോ​സ്

പ്ര​ത്യേ​ക​ലേ​ഖ​കൻ

കോ​ട്ട​യം​:​ ​യു.​ഡി.​എ​ഫി​ൽ​ ​നി​ന്ന് ​പു​റ​ത്താ​ക്കി​യി​ല്ലെ​ന്ന​ ​പ്ര​തി​പ​ക്ഷ​ ​നേ​താ​വി​ന്റെ​ ​വി​ശ​ദീ​ക​ര​ണം​ ​ജോ​സ് ​കെ.​ ​മാ​ണി​ ​ത​ള്ളി.​ ​'​സാ​ങ്കേ​തി​ക​ ​തി​രു​ത്ത​ൽ​ ​മാ​ത്ര​മാ​ണ് ​യു.​ഡി.​എ​ഫി​ന്റേ​ത്.​ ​രാ​ഷ്ടീ​യ​ ​നി​ല​പാ​ട് ​അ​വ​ർ​ ​തി​രു​ത്തി​യി​ട്ടി​ല്ല.​ ​നാ​ലു​ ​പ​തി​റ്റാ​ണ്ട് ​യു.​ഡി.​എ​ഫ് ​മു​ന്ന​ണി​യി​ലാ​യി​രു​ന്ന​ ​പാ​ർ​ട്ടി​യെ​ ​ഒ​റ്റ​ ​വാ​ക്കു​ ​കൊ​ണ്ടാ​ണ് ​പു​റ​ത്താ​ക്കി​യ​ത്.​ ​ഞ​ങ്ങ​ളെ​ ​പു​റ​ത്താ​ക്കി​യെ​ന്ന് ​യു.​ഡി.​എ​ഫ് ​ക​ൺ​വീ​ന​ർ​ ​പ​റ​ഞ്ഞ​ത് ​എ​ല്ലാ​ ​ചാ​ന​ലു​ക​ളി​ലും​ ​വ​ന്ന​താ​ണ്.​ ​ഞ​ങ്ങ​ളു​ടെ​ ​നി​ല​പാ​ടി​ൽ​ ​മാ​റ്റ​മി​ല്ല.​ ​യു.​ഡി.​എ​ഫ് ​നി​ർ​ദ്ദേ​ശ​ ​പ്ര​കാ​രം​ ​കോ​ട്ട​യം​ ​ജി​ല്ലാ​ ​പ​ഞ്ചാ​യ​ത്ത് ​പ്ര​സി​ഡ​ന്റ് ​സ്ഥാ​നം​ ​രാ​ജി​വ​ച്ച് ​മു​ന്ന​ണി​യി​ലേ​ക്ക് ​തി​രി​ക​ ​പോ​കാ​നി​ല്ല​-​ ​ചെ​ന്നി​ത്ത​ല​യ്ക്ക് ​മ​റു​പ​ടി​യാ​യി​ ​ജോ​സ് ​പ​റ​ഞ്ഞു.

-