നാഗർകോവിൽ: കൊവിഡ് പ്രതിരോധത്തിന്റെ ഭാഗമായി തമിഴ്നാട് സർക്കാർ പ്രഖ്യാപിച്ച ഞായറാഴ്ച ലോക്ക് ഡൗണിൽ അവശ്യ സർവീസുകൾ ഒഴികെ മറ്റ് വാഹനങ്ങൾ ഒന്നും നിലത്തിറങ്ങിയില്ല. അതിർത്തി നഗരങ്ങൾ ഉൾപ്പടെ ജില്ലയിലെ എല്ലാ പ്രധാന സ്ഥലങ്ങളിലും പൊലീസ് ശക്തമായ പരിശോധന നടത്തിയിരുന്നു. ചുരുക്കം ചില മെഡിക്കൽ സ്റ്റോറുകളാണ് തുറന്നത്. പാൽ, പത്രം, ആശുപത്രി, ലാബ് തുടങ്ങിയവ പ്രവർത്തിക്കുന്നതിൽ തടസമുണ്ടായിരുന്നില്ല. ജൂലായ് 12, 19, 26 തീയതികളിലും സമ്പൂർണ ലോക്ക്ഡൗൺ നടപ്പിലാക്കുമെന്ന് സർക്കാർ അറിയിച്ചു.