കിളിമാനൂർ: കെ.എസ്.ആർ.ടി.സി കിളിമാനൂർ ഐ.എൻ.ടിയു.സിയുടെയും അടൂർ പ്രകാശ് എം.പിയുടെ ആറ്റിങ്ങൽ കെയറിന്റെയും ആഭിഖ്യത്തിൽ കിളിമാനൂർ കെ.എസ്.ആർ.ടി.സി ഡിപ്പോയിലെ ജീവനക്കാർക്ക് തെർമൽ സ്കാനർ വിതരണം ചെയ്തു. വിതരണോദ്ഘാടനം അടൂർ പ്രകാശ് എം.പി നിർവഹിച്ചു. ചടങ്ങിൽ വച്ച് എസ്.എസ്.എൽ.സി പരീക്ഷയിൽ ഫുൾ എ പ്ലസ്സ് നേടിയ ഡിപ്പോയിലെ ജീവനക്കാരുടെ മക്കളെ ആദരിക്കുകയും ചെയ്തു.

കിളിമാനൂർ ഡി.ടി.ഒ സുദർശനൻ,​ യൂണിറ്റ് പ്രസിഡന്റ് കെ.എസ്. ഗിരീഷ്,​ സെക്രട്ടറി എം.എസ്. വിനോദ്, ട്രഷറർ അഭിലാഷ്, യൂണിറ്റ് വൈസ് പ്രസിഡന്റ് ബി. ഷാജി, ബ്ലോക്ക് കോൺഗ്രസ് പ്രസിഡന്റ് ഗംഗാധര തിലകൻ, മണ്ഡലം കോൺഗ്രസ് പ്രസിഡന്റ് അടയമൺ മുരളീധരൻ എന്നിവർ പങ്കെടുത്തു.