ബാലരാമപുരം: പൂങ്കോട് ഡിവിഷനിൽ കനിവാർന്ന കരങ്ങളുടെ കൂട്ടായ്മയായ കരുണയുടെ ആഭിമുഖ്യത്തിൽ ആരോഗ്യപ്രവർത്തകരെ ആദരിച്ചു. ഭഗവതിനട അഭിലാഷ് ഭവനിൽ ബി.എസ്.എഫ്. ജവാൻ ബിജിത്ത് കുമാറിന്റെ ഭാര്യ അഞ്ജുമോൾ,​ വെടിവെച്ചാൻകോവിൽ അഖിൽ ഭവനിൽ സുമകുമാരി എന്നിവരെ കരുണയുടെ നേത്യത്വത്തിൽ പള്ളിച്ചൽ പഞ്ചായത്ത് പ്രസിഡന്റ് മല്ലികാവിജയൻ ബ്ലോക്ക് കോൺഗ്രസ് കമ്മിറ്റി പ്രസിഡന്റ് വണ്ടന്നൂർ സന്തോഷ് എന്നിവർ ചേർന്ന് ഉപഹാരവും പൊന്നാടയും ചാർത്തി സ്നേഹാദരവ് നൽകി. ബ്ലോക്ക് മെമ്പർ എസ്.വീരേന്ദ്രകുമാർ,​ കരുണ ചെയർമാൻ പൂങ്കോട് സുനിൽകുമാർ,​ സേവാദൾ ജില്ലാ സെക്രട്ടറി ഭഗവതിനട പ്രശാന്ത്,​ വെടിവെച്ചാൻകോവിൽ അശോകൻ,​പൂങ്കോട് രാജീവ്,​ സോനു,​ സുനിൽ,​ സുനിൽകുമാർ, ബൂത്ത് പ്രസിഡന്റ് ബി.പ്രസന്ന,​ ധന്യാ.ഐ,​ ഷീബ,​ അബിത എന്നിവർ പങ്കെടുത്തു.