തി​രു​വ​ന​ന്ത​പു​രം: കേ​ര​ള അ​ഡ്മി​നി​സ്ട്രേ​റ്റി​വ് സ​ർ​വീസ് (കെ.എ.എസ് )പ്രാ​ഥ​മി​ക​ പ​രീ​ക്ഷ​യുടെ അടിസ്ഥാനത്തിലുള്ള ഷോർട്ട് ലിസ്റ്റ് അടുത്ത മാസം ആദ്യവാരം പ്രസിദ്ധീകരിക്കാനുള്ള നീക്കത്തിലാണ് പി.എസ്.സി. മൂന്നര ലക്ഷം പേരെഴുതിയ പരീക്ഷയിൽ നിന്നു ആറായിരത്തോളം പേരുടെ ഷോർട്ട് ലിസ്റ്റാവും പ്രസിദ്ധീകരിക്കുക.

മൂ​ന്ന് സ്ട്രീ​മു​ക​ളി​ലാ​യി മൂ​ന്ന​ര​ ല​ക്ഷ​ത്തോ​ളം പേ​രെഴു​തി​യ പ​രീ​ക്ഷയുടെ 18,000 ത്തിലധികം ഉത്തരക്കടലാസുകൾ പ​രി​ശോ​ധിക്കാതെ മെ​ഷീ​ൻ പുറന്തള്ളിയതാണ് മൂല്യനിർണയം വൈകാൻ കാരണം. ഈ ഉത്തരക്കടലാസുകളുടെ മാന്വലായ പരിശോധന പൂർത്തിയായിട്ടില്ല. പി.എസ്.സി ആസ്ഥാനത്ത് രണ്ടാം റൗണ്ട് പരിശോധന നടക്കുകയാണ്. ഇ​പ്പോ​ഴ​ത്തെ നി​ല​യി​ൽ സെ​പ്തം​ബ​റി​ലോ ഒ​ക്ടോ​ബ​റി​ലോ ഫൈനൽ പ​രീ​ക്ഷ ന​ട​ത്താ​നാ​കു​മെ​ന്നാ​ണ് പ്ര​തീ​ക്ഷ. 32 വ​യസ്സി​ൽ താ​ഴെ​യും അ​സി. സെ​ക്​​ഷ​ൻ ഓ​ഫീ​സ​ർ റാ​ങ്കി​ലു​മുള്ള ഉ​ദ്യോ​ഗ​സ്ഥ​രെയാണ് മാന്വൽ മൂ​ല്യ​നി​ർ​ണ​യ​ത്തി​ന് നി​യോ​ഗി​ച്ചി​രി​ക്കു​ന്ന​ത്.

തദ്ദേശ തിരഞ്ഞെടുപ്പ് വിജ്ഞാപനം ഒക്ടോബറിൽ വരുന്നതിന് മുമ്പ് ഫൈനൽ പരീക്ഷ നടത്താനാണ് ആലോചന. തുടർന്ന് അഭിമുഖം നടത്തി റാങ്ക് ലിസ്റ്റ് പ്രസിദ്ധീകരിച്ച് ഈ സർക്കാരിന്റെ കാലത്ത് തന്നെ കെ.എ.എസ് നിയമനം നടത്താനാണ് നീക്കം.