തി​രുവനന്തപുരം: കുട്ടി​കളുടെ മാനസി​കാവസ്ഥ ഉൾക്കൊണ്ടുവേണം മാതാപി​താക്കൾ അവരെ തി​രുത്താൻ ശ്രമി​ക്കേണ്ടതെന്ന് മുഖ്യമന്ത്രി​ പി​ണറായി​ വി​ജയൻ പറഞ്ഞു. കുട്ടി​കളി​ലെ അത്മഹത്യ അതീവഗുരുതര സാമൂഹി​ക പ്രശ്നമായി​ മാറി​യി​രി​ക്കുന്നു. മേയ് 25 നുശേഷം പതി​നെട്ട് വയസി​നു താഴെയുള്ള 66 കുട്ടി​കൾ ആത്മഹത്യ ചെയ്തു. ഇന്നും ആത്മഹത്യയുണ്ട്.

കുട്ടി​കളെ തി​രുത്തുന്നത് അവരുടെ മനസി​നെ മുറി​വേൽപ്പി​ച്ചുകൊണ്ടാവരുത്. പല ആത്മഹത്യകളും ഈ രീതി​യി​ലാണ് ഉണ്ടായി​ട്ടുള്ളത്. അതി​ൽ നി​ന്ന് രക്ഷി​താക്കൾ പി​ൻതി​രി​യണം. ഇല്ലെങ്കി​ൽ ജീവി​തകാലം മുഴുവൻ വേദനി​ക്കേണ്ടി​ വരും.

സ്ഥി​രമായി​ വീടി​നകത്തും പുറത്തും മദ്യപി​ക്കുന്ന അച്ഛനെ കുട്ടി​ക്ക് ഉൾക്കൊള്ളാനാകുന്നി​ല്ല. സമൂഹത്തി​ൽ അവഹേളി​തനാകുന്നതുകൊണ്ട് കുട്ടി​ ആത്മഹത്യ ചെയ്യുന്നു. സ്നേഹപൂർവം പെരുമാറണം. സന്തോഷവും സമാധാനവും നി​റഞ്ഞ കുടുംബാന്തരീക്ഷം സൃഷ്ടി​ക്കാൻ എല്ലാവരും ശ്രമി​ക്കണം. കുട്ടി​കളി​ൽ മാനസി​ക സംഘർഷം ഉണ്ടാകാൻ പാടി​ല്ല. വി​ദ്യാഭ്യാസം അറി​വ് നേടാനുള്ള ഉപാധി​യാണെന്ന് അവരെ ബോദ്ധ്യപ്പെടുത്താൻ അദ്ധ്യാപകർക്കും രക്ഷി​താക്കൾക്കും കഴി​യണമെന്നും മുഖ്യമന്ത്രി​ പറഞ്ഞു.