തിരുവനന്തപുരം: സ്വർണക്കടത്ത് കേസിലെ മുഖ്യആസൂത്രകയെന്ന് കരുതുന്ന സ്വപ്ന സുരേഷുമായി ബന്ധമുണ്ടായിരുന്ന ഐ.എ.എസ് ഉദ്യോഗസ്ഥൻ എം ശിവശങ്കറിന്റെ മൊഴി കസ്റ്റംസ് രേഖപ്പെടുത്തും. ശിവശങ്കർ അടുത്ത കാലത്ത് നടത്തിയ യാത്രകൾ പരിശോധിക്കും. സ്വർണക്കടത്തുമായി ശിവശങ്കറിന് ബന്ധമുണ്ടെന്ന് കസ്​റ്റംസ് കരുതുന്നില്ല. ശിവശങ്കറിന്റെ സ്വാധീനം കള്ളക്കടത്തിൽ സ്വപ്ന ഉപയോഗിച്ചോ എന്നാണ് അറിയേണ്ടത്. വിമാനത്താവളത്തിലെത്തിയ സ്വർണം ഇടനിലക്കാരിലൂടെയാണ് മ​റ്റ് ഇടങ്ങളിലേക്ക് കൊണ്ടുപോയിരുന്നത്. ഇതിന് സർക്കാർ വാഹനങ്ങൾ ഉപയോഗിച്ചെന്ന സംശയം കസ്​റ്റംസിനുണ്ട്. അതിനാലാണ് സർക്കാർ ബന്ധങ്ങളെല്ലാം കസ്​റ്റംസ് അന്വേഷിക്കുന്നത്.