തിരുവനന്തപുരം: തിരുവനന്തപുരം വിമാനത്താവളത്തിലെ കാർഗോ കോംപ്ലക്സിലെ സി.സി ടിവി ദൃശ്യങ്ങൾ കസ്റ്റംസിന് ലഭിച്ചു. സ്വർണം കള്ളക്കടത്ത് നടത്തിയ ബാഗേജിന്റെ എയർവേ ബില്ലിൽ ഡിപ്ലോമാ​റ്റ് ബാഗേജ് എന്നു തന്നെയാണ് രേഖപ്പെടുത്തിയിരുന്നതെന്നും ജൂലായ് ഒന്നു മുതൽ 5 വരെ കോംപ്ലക്സിൽ ഇതു സൂക്ഷിച്ചതിന്റെ ദൃശ്യങ്ങൾ സി.സി ടിവിയിലുണ്ടെന്നും കോംപ്ലക്സ് മാനേജർ അറിയിച്ചു.

കാർഗോ കോംപ്ലക്സിന്റെ ചുമതലയുള്ള സ്‌​റ്റേ​റ്റ് ഇൻഡസ്ട്രിയൽ എന്റർപ്രൈസസാണ് (കെ.എസ്.ഐ.ഇ) ദൃശ്യങ്ങൾ കസ്റ്റംസിന് കൈമാറിയത്. ജൂലായ് 9നാണ് കസ്​റ്റംസ് ദൃശ്യങ്ങൾ ആവശ്യപ്പെട്ടത്. ശനിയാഴ്ചയാണ് കസ്​റ്റംസ് അസി. കമ്മിഷണർ ദൃശ്യങ്ങളും കാമറാ ഹാർഡ് ഡിസ്‌കും ഏ​റ്റുവാങ്ങിയത്. 23 സി.സി ടിവി കാമറകൾ കാർഗോ കോംപ്ലക്സിലുണ്ട്. ഈ ദൃശ്യങ്ങൾ കസ്​റ്റംസ് അസി. കമ്മിഷണറുടെ ഓഫീസിൽ തത്സമയം കാണാനും സൗകര്യമുണ്ട്. ഒന്നര വർഷത്തിനിടെ വിവിധ ആവശ്യങ്ങൾക്കായി രണ്ടു തവണ കസ്​റ്റംസിന് കാർഗോ കോംപ്ലക്സിലെ ദൃശ്യങ്ങൾ നൽകിയിട്ടുണ്ട്.