കൊല്ലം: വ​ഴി​യോ​ര​ ക​ച്ച​വ​ട​ക്കാ​ര​നിൽ​ നി​ന്ന്​ യാ​ത്ര​ക്കാ​രൻ സാ​ധ​നം വാ​ങ്ങു​ന്ന​തി​നി​ടെ അ​യാ​ളു​ടെ സ്​കൂ​ട്ടർ മോ​ഷ്ടി​ച്ച് ക​ട​ത്തി​യയാളെ മ​ണി​ക്കൂ​റു​കൾ​ക്കു​ള്ളിൽ വെ​സ്റ്റ് പൊ​ലീ​സ് പി​ടി​കൂ​ടി. കൊല്ലം സ്വദേശിയായ ഷാ​ന​വാ​സ് എ​ന്ന​യാ​ളാണ് അറസ്റ്റിലായത്.

വെ​ള്ളി​യാ​ഴ്​ച്ച വൈ​കിട്ട് 6.30​ഓ​ടെ രാ​മൻ​കു​ള​ങ്ങ​ര മാ​തൃ​ഭൂ​മി ഓ​ഫീ​സി​ന് സ​മീ​പ​മാ​യി​രു​ന്നു സം​ഭ​വം. സ്​കൂ​ട്ട​റി​ലെ​ത്തി​യ യാ​ത്ര​ക്കാ​രൻ വ​ഴി​യ​രി​കിൽ വാ​ഹ​നം നിറു​ത്തി സാ​ധ​നം വാ​ങ്ങാനാ​യി ഇ​റ​ങ്ങി. അ​ടു​ത്തു​ത​ന്നെ​യാ​യ​തി​നാൽ ഇ​യാൾ വാ​ഹ​ന​ത്തിൽ​ നി​ന്ന്​ താ​ക്കോൽ എ​ടു​ത്തി​രു​ന്നി​ല്ല. ഈസ​മ​യം സ്ഥ​ല​ത്തു​ണ്ടാ​യി​രു​ന്ന പ്ര​തി ത​ന്ത്ര​പ​ര​മാ​യി താ​ക്കോൽ കൈ​ക്ക​ലാ​ക്കി.

തി​രി​കെ​യെ​ത്തി​യ ഉ​ട​മ താ​ക്കോൽ അ​ന്വേ​ഷി​ക്കു​ക​യും കാ​ര്യം ക​ച്ച​വ​ട​ക്കാ​ര​നോ​ട് പ​റ​യു​ക​യും ചെ​യ്​തു. തുടർന്ന് സ്കൂട്ടറിന്റെ ഉടമ അ​ടു​ത്തു​ള്ള വർ​ക്ക്ഷോ​പ്പി​ലേ​ക്ക് നീ​ങ്ങി. ഈ സ​മ​യം താ​ക്കോൽ കൈ​ക്ക​ലാ​ക്കി​യി​രു​ന്ന പ്ര​തി വാ​ഹ​ന​വു​മാ​യി ക​ട​ന്നുകളയുകയായിരുന്നു.

വെ​സ്റ്റ് പൊ​ലീ​സിൽ നൽകിയ പരാതിയുടെ അടിസ്ഥാനത്തിൽ സം​ഭ​വ​സ്ഥ​ല​ത്തെ റെ​സ്റ്റോ​റന്റി​ലെ നി​രീ​ക്ഷ​ണ കാ​മ​റ​ക​ളിൽ ​നി​ന്ന്​ ല​ഭി​ച്ച ദൃ​ശ്യ​ങ്ങ​ളു​ടെ സ​ഹാ​യ​ത്തോ​ടെ​യാ​ണ് പ്ര​തി​യെ പി​ടി​കൂ​ടി​യ​ത്. ഇ​യാൾ മ​റ്റ്​ അ​ന​വ​ധി മോ​ഷ​ണ​ക്കേ​സു​ക​ളി​ലും പ്ര​തി​യാ​ണെന്ന് പൊലീസ് പറഞ്ഞു.