പാലായിലെ ഒരു നസ്രാണി കുടുംബത്തിൽ ജനിച്ച ഒരാളാണ് റിമി ടോമി. എന്നാൽ ഒരു നഴ്‌സോ കന്യാസ്ത്രീയോ ആകാതെ എങ്ങനെ ഈ സംഗീത ലോകത്ത്‌ എത്തിപ്പെട്ടു എന്നത് പലപ്പോഴും മലയാളികൾ ചോദിച്ച ഒരു ചോദ്യമാണ്. ഇതിനെക്കുറിച്ച് റിമി ടോമി വാചാലയാകുന്ന ഒരു അഭിമുഖമാണ് ഇപ്പോൾ സോഷ്യൽ മീഡിയകളിൽ പറപറക്കുന്നത്. ഒന്നുകിൽ കന്യാസ്ത്രീ അല്ലെങ്കിൽ നഴ്സ്... ഇത് രണ്ടിൽ ഏതെങ്കിലും ഒന്ന് താൻ ആകുമായിരുന്നു. കന്യാസ്ത്രീ ആയിരുന്നെങ്കിൽ ഉറപ്പായും താൻ മഠം പൊളിച്ച് ചാടുമെന്നും റിമി പറയുന്നുണ്ട്. അതുകൊണ്ട് സഭ രക്ഷപെട്ടെന്ന് പറയാം. "പത്താം ക്ലാസ് വരെ കറക്ടായിട്ട് ക്വയർ പാടുന്ന വ്യക്തിയായിരുന്നു ഞാൻ. എല്ലാ കുർബാനയിലും മുടങ്ങാതെ പങ്കെടുത്തിരുന്നു. അങ്ങനെ എന്നെ സഭയിലേക്കെടുത്താലോ എന്ന് ചിന്തിച്ചു. ഒൻപതാം ക്ലാസ് വരെ ഞാനും അതിന് സമ്മതം മൂളിയിരുന്നു. പത്താം ക്ലാസ് കഴിയുമ്പോ വിളിച്ചാമതി എന്ന് പറഞ്ഞിരുന്നു. എന്നാൽ പത്താം ക്ലാസ് കഴിഞ്ഞപ്പോ എല്ലാം തകിടം മറിഞ്ഞു. അപ്പോഴത്തെ പെൺകുട്ടികളുടെ മനസ് മാറിത്തുടങ്ങുമല്ലോ. അപ്പൊ സിസ്റ്റേഴ്സ് വിളിക്കാൻ വന്നു.. അന്ന് ഞാൻ പറഞ്ഞു സിസ്റ്ററെ എനിക്ക് ഇപ്പോൾ കന്യാസ്ത്രീ അകാൻ വയ്യ കുറച്ചൂടെ കഴിയട്ടെ... " തനിക്ക് പാട്ടിലൊക്കെ കുറച്ചൂടെ ശ്രദ്ധിക്കണം എന്ന് ആഗ്രഹമുണ്ടന്ന് പറഞ്ഞതിനാൽ സഭ രക്ഷപെട്ടെന്നാണ് റിമി പറയുന്നത്. ചലച്ചിത്ര പിന്നിണി ഗായികയായെത്തി പിന്നീട് അഭിനയരംഗത്തേക്ക് ചുവടുവച്ച റിമി ടെലിവിഷൻ അവതാരകയായും സജീവമാണ്. സ്റ്റേജ് പരിപാടികളിലും മറ്റുമൊക്കെയായി സദസിനെ പിടിച്ചിരുത്തുന്ന തരത്തിലുള്ള പ്രകടനവുമായാണ് റിമി എത്താറുള്ളത്. റിമിയുടെ ഇൻസ്റ്റാഗ്രാം പോസ്റ്റുകളെല്ലാം അതിവേഗം തരംഗമായി മാറാറുണ്ട്.റോയ്‌സ് കിഴക്കൂടനുമായി 2008 ഏപ്രിലിൽ വിവാഹിതയായ റിമി ടോമി ദാമ്പത്യ ബന്ധത്തിലെ പൊരുത്തക്കേടുകളെ തുടർന്ന് 11 വർഷം നീണ്ട ബന്ധം അവസാനിപ്പിച്ചു. വിവാഹമോചനത്തിന് ശേഷം കുടുംബത്തോടൊപ്പവും സുഹൃത്തുക്കളോടൊപ്പവും നാടുചുറ്റി വിഷമം മാറ്റുകയായിരുന്നു താരം.