തിരുവനന്തപുരം : സംസ്ഥാനത്ത് കൊവിഡ് രോഗികളുടെ എണ്ണം 11000 കടന്നു. ഇന്നലെ വരെ 11,064 പേർ . ഇന്നലെ 791 പേർക്കാണ് രോഗം സ്ഥിരീകരിച്ചത്. 532 പേർ സമ്പർക്ക രോഗികൾ. ഇതിൽ 42 പേരുടെ ഉറവിടം വ്യക്തമല്ല.

ഏറ്റവും കൂടുതൽ രോഗബാധിതർ തലസ്ഥാനത്താണ് -246. സമ്പർക്കത്തിലൂടെയാണ് 240 പേരും രോഗികളായത്. എറണാകുളം 84, പത്തനംതിട്ട 56, ആലപ്പുഴ 46, കൊല്ലം 29 , കാസർകോട് 23, കോഴിക്കോട് 14, കോട്ടയം 9, മലപ്പുറം, വയനാട് ജില്ലകളിലെ 8 , തൃശൂർ 7 , ഇടുക്കി 6, പാലക്കാട്, കണ്ണൂർ എന്നിവിടങ്ങളിൽ ഒരാൾക്ക് വീതം. ഒരു കൊവിഡ് മരണവും സ്ഥിരീകരിച്ചു. തൃശൂരിൽ ഈമാസം 15ന് മരണമടഞ്ഞ ഷൈജുവിൻെറ (46) പരിശോധനഫലമാണ് പോസിറ്റീവായത്.

രോഗം സ്ഥിരീകരിച്ച മറ്റുള്ളവരിൽ 135 പേർ വിദേശ രാജ്യങ്ങളിൽ നിന്നും 98 പേർ മറ്റ് സംസ്ഥാനങ്ങളിൽ നിന്നും വന്നതാണ്. 15 ആരോഗ്യ പ്രവർത്തകരും രോഗം ബാധിതരായി. ആലപ്പുഴയിലെ ഒരു ഐ.ടി.ബി.പിയ്ക്കും, തൃശൂരിൽ 7 കെ.എസ്.സി. ജീവനക്കാർക്കും, ഒരു ബി.എസ്.എഫ്. ജവാനും, കണ്ണൂരിൽ ഒരു ഫയർ ഫോഴ്‌സ് ജീവനക്കാരനും രോഗം ബാധിച്ചു.