വെഞ്ഞാറമൂട് : ആലന്തറയിൽ കാറും ആട്ടോറിക്ഷയും കൂട്ടിയിടിച്ച് രണ്ട് പേർക്ക് പരിക്ക്. ആട്ടോറിക്ഷയിലെ യാത്രക്കാരനായ വഞ്ചിയൂർ വട്ടവിള വീട്ടിൽ അബ്ദുൾ വഹാബ് (55), കാറിലെ യാത്രക്കാരനായ ആലന്തറ ജാസിം മൻസിലിൽ ജാസിം(36) എന്നിവർക്കാണ് പരിക്കേറ്റത്. ഇന്നലെ രാവിലെ 9 ന് സംസ്ഥാന പാതയിലെ ആലന്തറയിലായിരുന്നു അപകടം. കൂട്ടയിടിയിൽ ആട്ടോറിക്ഷ പൂർണമായും തകർന്നിട്ടുണ്ട്. ആട്ടോ ഡ്രെെവറുടെ നില ഗുരുതരമാണ്. പരിക്കേറ്റവരെ വെഞ്ഞാറമൂട്ടിലെ സ്വകാര്യ ആശുപത്രിയിൽ പ്രവേശിപ്പിച്ചു.