ബോളിവുഡ് സിനിമാരംഗത്തുളള ദുഷ്പ്രവണതകൾക്കെതിരെ തുറന്നടിച്ച് നടി റിച്ച ഛദ്ദ. ഈ മേഖലയിൽ ആരേയും വിശ്വസിക്കാനാകില്ല. സ്വന്തം ഏജന്റിനെ പോലും. തനിക്ക് അങ്ങനൊരു അനുഭവമുണ്ടായി. ഇതേ കുറിച്ച് ചോദിച്ചപ്പോൾ തന്റെ അന്നത്തെ ഏജന്റ് പറഞ്ഞത് ഇത് സാധാരണമാണെന്നായിരു ന്നുവെന്നും റിച്ച പറയുന്നു.

കാമുകൻ അലി ഫസലിന്റെ അമ്മ മരിച്ചപ്പോൾ അദ്ദേഹത്തെ വിളിച്ച് മൃതദേഹത്തിന്റെ ഫോട്ടോ എടുത്ത് നൽകാൻ പറഞ്ഞവർ പോലുമുണ്ട്. സുശാന്തിന്റെ മരണത്തിൽ സങ്കടപ്പെടുന്ന പലരും സിനിമകളെ താഴ്ത്തിക്കെട്ടാൻ ശ്രമിച്ചവരാണെന്നും റിച്ച പറഞ്ഞു. എന്തിന് തനിക്കൊപ്പം കിടക്കാൻ കൂട്ടാക്കാത്തതിന് നായികയെ അവസാന നിമിഷം മാറ്റിയവർ പോലുമുണ്ടെന്നും റിച്ച പറയുന്നു. തന്റെ ബ്ലോഗിലൂടെയായിരുന്നു നടിയുടെ തുറന്നു പറച്ചിലുകൾ.
ഇതിനൊക്കെ എതിരെ എഴുതുന്ന മാദ്ധ്യമ പ്രവർത്തകരും മറ്റും ചിലപ്പോൾ നമ്മൾ ജീവിതത്തിൽ കാണുന്ന ഏറ്റവും വിഷമുള്ളവാരിയിരിക്കാമെന്നും റിച്ച. തങ്ങൾക്ക് ഇഷ്ടമല്ലെന്ന് പറയുന്ന അതേ സിസ്റ്റത്തിന്റെ ഭാഗമായവർ തന്നെയാകാം ചിലരെന്നും താരം ഓർമ്മിപ്പിക്കുന്നു.