കൊണ്ടോ​ട്ടി: കൊണ്ടോ​ട്ടി ബൈ​പ്പാ​സ് റോ​ഡി​ലെ ആളൊഴിഞ്ഞ പറമ്പിൽ നി​ന്ന് ക​ഞ്ചാ​വു​മാ​യി നാ​ലു പേർ അ​റ​സ്റ്റി​ലാ​യി.കോളനിറോഡ് കാവും കണ്ടി മുഹമ്മദ് ഷ​രീഫ്(27),മുക്കം പന്നിക്കോട് അമൽ(23), നമ്പോലൻകുന്ന് വലിയപറമ്പിൽ ജയ്സൽ അ​മീൻ(22), കോളനി റോഡ് വയ്ത്തല പറമ്പിൽ ഉമറുൽ ഫാറൂഖ് (27) എന്നി​വ​രെ​യാണ് ജില്ലാ ആന്റി നാർക്കോട്ടിക് സ്‌ക്വാഡ് പിടികൂ​ടി​യ​ത്.ഇവർ സഞ്ചരിച്ച ബൈക്കും പിടിച്ചെടുത്തു.
പൊലീസിന്റെ നാർക്കോട്ടിക്ക് സംബന്ധമായ രഹസ്യവിവരങ്ങൾ കൈമാറുന്ന യോദ്ധാ ആപ്പ് വഴി മലപ്പുറം ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പ്രതികളെ പിടികൂടി​യത്. ഇ​വർ ഏ​റെ​ക്കാ​ല​മാ​യി കൊ​ണ്ടോ​ട്ടി പരി​സരത്ത് തമ്പടി​ച്ച് ക​ഞ്ചാ​വ് വിൽ​പ്പ​ന നടത്തി വരികയായിരുന്നു.ഇവരെ ചോദ്യം ചെയ്തതിൽ നിന്നും കൊണ്ടോട്ടി പരിസരത്തെ ചെറുതും വലുതുമായ നിരവ​ധി ക​ഞ്ചാവ് കച്ചവടക്കാരെ കുറിച്ച് വ്യക്തമായ വിവരം ലഭിച്ചിട്ടുണ്ട്.ഇവരെ നിരീക്ഷിച്ചു വരികയാ​ണ്.ആ​യി​രം രൂപ​യ്ക്ക് ക​ഞ്ചാ​വ് വാ​ങ്ങി ചെറി​യ പൊ​തി​ക​ളാ​ക്കി വൻ​തു​ക​യ്ക്ക് വിൽ​ക്കു​ക​യാ​ണ് ഇ​വ​രു​ടെ രീ​തി.ഇ​വർ സ്ഥി​ര​മാ​യി ക​ഞ്ചാ​വ് നൽ​കു​ന്ന​വ​രെ കു​റിച്ചും സൂ​ച​ന​കൾ ല​ഭി​ച്ചി​ട്ടുണ്ട്.
മൂ​ന്ന് ആ​ഴ്​ച​ക്കി​ടെ ക​ഞ്ചാ​വ്, മയ​ക്കുമ​രു​ന്ന് ​കേ​സു​ക​ളിൽ കൊ​ണ്ടോ​ട്ടി​യിൽ നി​ന്ന് മാത്രം ജില്ലാ ആന്റി​നാർ​ക്കോ​ട്ടി​ക് വി​ഭാ​ഗ​ത്തി​ന്റെ പി​ടി​യി​ലാ​യ​ത് 13 പേ​രാണ്.ഇ​വ​രു​ടെ പ്രധാ​ന ക​ണ്ണി​ക​ളെ​ക്കു​റി​ച്ച് പൊ​ലീ​സ് നി​രീക്ഷ​ണം ന​ട​ത്തി​വ​രി​ക​യാ​ണ്.കൊ​ണ്ടോ​ട്ടി​യിൽ എ​ത്തി​ച്ച വ​സ്​തു​ക്കൾ മ​ല​പ്പു​റം,കോ​ഴി​ക്കോ​ട് ജില്ല​ക​ളിൽ വി​തര​ണം ചെ​യ്യു​ന്ന​താ​യാ​ണ് ക​ണ്ടെ​ത്തി​യ​ത്. കൊണ്ടോ​ട്ടി സി.ഐ ബി.കെ ബി​ജു,എ​സ്.ഐ വിനോദ് വലിയാറ്റൂർ എന്നിവരുടെ നേതൃത്വത്തിൽ ജില്ലാ ആന്റി നാർക്കോട്ടിക് സ്ക്വാഡ്​​ അംഗങ്ങളായ അബ്ദുൾ അസീസ്,സത്യനാഥൻ മനാട്ട്, ശശി കുണ്ടറക്കാട്, ഉണ്ണികൃഷ്ണൻ മാരാത്ത്,പി.സഞ്​ജീ​വ് എന്നിവരാണ് പ്രതികളെ പിടി​കൂ​ടി​യത്.